قازاقستاندىق بوكسشى باتىر جۇكەمباەۆتىڭ مەكسيكالىق داۆيد رانحەلمەن وتكەن جەكپە-جەگىنىڭ ۆيدەوسى جاريالاندى.
ايقاس كانادانىڭ كۆەبەك قالاسىندا ءوتتى. رەگلامەنت بويىنشا سەگىز راۋندقا سوزىلۋى ءتيىس بولاتىن. الايدا, جۇكەمباەۆ نەبارى 2,5 مينۋتتا قارسىلاسىن نوكاۋتپەن جەڭدى. قازاقستاندىق بىلعارى قولعاپ شەبەرى كاسىپقوي رينگتە وسىمەن جەتىنشى كەزدەسۋىن وتكىزىپ, بارىندە جەڭىسكە جەتتى.
ايتا كەتەيىك, بۇل ۇرىس ستيۆەن باتلەر (18-0-1, 15 كو) مەن برەندون كۋك (17-0, 10 كو) اراسىنداعى بوكس كەشىنىڭ اندەركارتىندا وتكەن بولاتىن. ءدال وسى كۇنى تاعى ءبىر وتانداسىمىز ابىلايحان قۇسايىنوۆ مەكسيكالىق وسكار مەحيامەن كەزدەسىپ, التىنشى راۋندتا تەحنيكالىق نوكاۋتپەن جەڭىسكە جەتكەن.