اۋىل شارۋاشىلىعى جەرلەرىن قر ازاماتتارىنا جالعا بەرۋ اشىق جۇرگىزىلەدى جانە بارىنشا باقىلاۋدا بولادى. بۇل تۋرالى قر-نىڭ زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار قاراستىرىلعان قر ۇكىمەتى وتىرىسىندا ءمالىم بولدى
قر اۋىل شارۋاشىلىعى ۆيتسە-ءمينيسترى ە. نىسانباەۆ 2015 جىلعى قاراشادا قابىلدانعان جەر كودەكسىنىڭ نورمالارى بويىنشا تۋىنداعان قوعامدىق رەزونانسقا بايلانىستى جەر رەفورماسى جونىندەگى كوميسسيانىڭ قۇرىلعانىن ەسكە سالدى. كوميسسيا ەلىمىزدىڭ وڭىرلەرىندە بىرقاتار وتىرىستار وتكىزدى. سونىمەن بىرگە, حالىقتى جەر زاڭناماسىنىڭ نورمالارىن تۇسىندىرۋمەن كەڭىنەن قامتۋ جانە ۇسىنىستار جيناۋ ماقساتىندا 16 Call-ورتالىق جانە «jerturaly.kz» سايتى قۇرىلدى, وعان جالپى 15 987 جولدانىم كەلىپ ءتۇستى.
ۇسىنىستاردىڭ نەگىزىندە كوميسسيا تۇجىرىمداما مەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى.
بارىنشا اشىقتىق پەن كەڭىنەن تالقىلاۋدى قامتاماسىز ەتۋ ءۇشىن زاڭ جوباسى مەن ونىڭ تۇجىرىمداماسى اشىق نورماتيۆتىك قۇقىقتىق اكتىلەر پورتالىندا, اشم رەسمي سايتىندا, 12 بۇقارالىق اقپارات قۇرالدارىندا جاريالاندى. بۇدان وزگە, مينيسترلىك جانىنداعى قوعامدىق كەڭەس وتىرىستارىندا تالقىلاۋلار جانە قوعامنىڭ قاتىسۋىمەن كوپشىلىك تالقىلاۋلار وتكىزىلدى.
وسىلايشا, قازاقستاندىقتارعا اۋىل شارۋاشىلىعى جەرلەرىن جالعا بەرۋ ينستيتۋتىن ساقتاي وتىرىپ, زاڭ جوباسىمەن اۋىل شارۋاشىلىعى جەرلەرىن كونكۋرستىق نەگىزدە بەرۋدىڭ جەكە ءتارتىبىن ورناتۋ قاراستىرىلعان. كورسەتىلگەن تارتىپكە سايكەس, جەردى بەرۋ اكىمدىكپەن بەكىتىلگەن كونكۋرسقا شىعارىلاتىن جەرلەردىڭ ءتىزىمى بويىنشا جۇزەگە اسىرىلادى.
ونى وتكىزۋدىڭ اشىقتىعى ءۇشىن كونكۋرستىق كوميسسيانىڭ قۇرامىنا قوعامدىق كەڭەستەر مەن ۇيىمداردىڭ وكىلدەرى ەنگىزىلەدى.
بۇدان وزگە, جاريالىلىقتى جانە ونىڭ بارلىق الەۋەتتى قاتىسۋشىلارىنىڭ كونكۋرسقا تەڭ قولجەتىمدىلىگىن قامتاماسىز ەتۋ ماقساتىندا جاڭا ءتارتىپ باق-تا جانە اكىمدىك پەن اشم-ءنىڭ رەسمي ينتەرنەت-رەسۋرستارىندا كونكۋرس وتكىزۋ تۋرالى كەڭىنەن حابارلاۋدى قاراستىرادى.
كونكۋرسقا قاتىسۋ ءۇشىن قاتىسۋشىنىڭ كونكۋرسقا قاتىسۋ ۇسىنىسىن بەرۋى مىندەتتى شارت بولىپ تابىلاتىنىن ايتا كەتكەن ءجون. وندا اۋىل شارۋاشىلىعى ءوندىرىسىن جۇرگىزۋدىڭ بيزنەس جوسپارى, شارۋاشىلىق ىشىندەگى جەر قۇرىلىمى جوباسىن قۇرۋ جانە يگەرۋ بويىنشا, جەرگىلىكتى تۇرعىندار ءۇشىن جۇمىس ورىندارىن قۇرۋ بويىنشا, ينديكاتيۆتى كورسەتكىشتەردى ورىنداۋ بويىنشا مىندەتتەمەلەرى قامتىلۋى ءتيىس.
اتالعان تالاپتار بەرىلەتىن جەرلەردىڭ ءتيىمدى ءارى ۇتىمدى پايدالانىلۋى ماقساتىندا قويىلادى.
بەرىلەتىن اۋىل شارۋاشىلىعى جەرلەرىنىڭ ۇتىمدى پايدالانىلۋىنا باقىلاۋدى كۇشەيتۋ ماقساتىندا زاڭ جوباسىندا تۇراقتى مونيتورينگ جۇرگىزۋ قاراستىرىلعان: جالعا العان العاشقى 5 جىلدا جىل سايىن, ودان كەيىنگى جىلدارى سۋارىلاتىن شابىندىقتاردا ءار 3 جىل سايىن, قولدان سۋارىلماعان جەرلەردە - ءار 5 جىل سايىن.
اۋىل شارۋاشىلىعى جەرلەرىنىڭ ۇلكەن اۋقىمىنىڭ «ءبىر قولعا» بەرىلۋىنە جول بەرمەۋ ماقساتىندا اۋىل شارۋاشىلىعى ماقساتىنداعى جەر تەلىمدەرىنىڭ ماكسيمالدى كولەمىن بەلگىلەۋ قاراستىرىلعان. ولاردى قازاقستاندىقتار ءار وبلىستىڭ اكىمشىلىك اۋداندارى (قالالارى) اۋماعىندا جالعا العان بولۋى مۇمكىن.
سونىمەن قاتار, شەكارا سىزىعى مەن شەكارا ماڭى ايماعىندا ورنالاسقان جەر تەلىمدەرىن شەتەلدىكتەرگە, ازاماتتىعى جوق ازاماتتارعا ت.ب. بەرۋگە تىيىم سالۋ قاراستىرىلعان.
جەكە قولدارداعى مالدى باعۋ ءۇشىن جايىلىمدىق جەرلەردىڭ جەتىسپەۋشىلىگىنە قاتىستى ماسەلەنى شەشۋ ءۇشىن ەلدى مەكەندەردىڭ ماڭىندا تۇرعىنداردىڭ ولاردىڭ جەكە قولىنداعى مالدى ۇستاۋ بويىنشا قاجەتتىلىكتەرىن قاناعاتتاندىرۋ ءۇشىن جايىلىمدار اۋماعى ايقىندالاتىن نورمالار قاراستىرىلعان.