2016 جىلى تولەم بالانسىنىڭ اعىمداعى شوتىنىڭ تاپشىلىعى 8,2 ملرد. اقش دوللارىن قۇرادى, ال وڭ ساۋدا بالانسى 9,4 ملرد. دولل. بولدى. 2015 جىلى اعىمداعى شوت تاپشىلىعى 5,5 ملرد. دولل. بولدى, ساۋدا بالانسىنىڭ ءپروفيتسيتى 12,7 ملرد. دوللاردى قۇرادى, دەپ حابارلايدى ۇلتتىق بانك.
اعىمداعى شوتتىڭ تەرىس سالدوسىنىڭ ۇلعايۋى ەكسپورتتىق كىرىستەردى قىسقارتقان كەزدە شەتەلدىك ينۆەستورلاردىڭ قاتىسۋىمەن ىسكە اسىرىلاتىن مۇنايگاز جوبالارىنا ينۆەستيتسيالار كولەمىن ءوسىرۋ سالدارىنان بولدى.
تاۋارلار ەكسپورتى 37,2 ملرد. دوللاردى قۇرادى, بۇل 2015 جىلعى كورسەتكىشتەن 19,9%-عا تومەن. وتكەن جىلدىڭ ەكىنشى جارتىسىنداعى الەمدىك باعالاردىڭ وڭ سەرپىنىنە قاراماستان, 2016 جىلى مۇنايدىڭ ورتاشا قۇنى (Brent سۇرىپتى مۇنايدىڭ ءبىر باررەلى ءۇشىن 42,8 دولل.) 2015 جىلعى كورسەتكىشتەن تومەن (Brent سۇرىپتى مۇنايدىڭ ءبىر باررەلى ءۇشىن 50,8 دولل.) بولىپ قالدى. مۇنايدىڭ جانە گاز كوندەنساتى ەكسپورتىنىڭ قۇنى 2015 جىلمەن سالىستىرعاندا 27,6%-عا تومەندەدى, بۇل رەتتە جىلدىڭ ەكىنشى جارتىسىندا مۇناي جانە گاز كوندەنساتىنىڭ ەكسپورتى وسە باستادى جانە ءتورتىنشى توقساندا 2015 جىلعى ءتورتىنشى توقسانعا قاتىستى 7,0%-عا ءوسۋدى كورسەتتى.
تاۋارلار يمپورتى 27,8 ملرد. دولل. (2015 جىلى 33,8 ملرد. دولل.) بولدى. بۇل كورسەتكىشتىڭ 2015 جىلمەن سالىستىرعاندا 17,8%-عا تومەندەۋى نەگىزىنەن ازىق-ت ۇلىككە جاتپايتىن تۇتىنۋشىلىق تاۋارلاردىڭ جانە ينۆەستيتسيالىق تاۋارلاردىڭ اكەلىنۋىنىڭ قىسقارۋىمەن قامتاماسىز ەتىلدى.
ينۆەستيتسيالىق كىرىستەردىڭ تەرىس سالدوسى نەگىزىنەن تىكەلەي شەتەلدىك ينۆەستورلاردىڭ كىرىستەرىنىڭ ءوسۋى ەسەبىنەن 14,2%-عا ۇلعايا وتىرىپ, 11,3 ملرد. دوللاردى قۇرادى. سونىمەن بىرگە, شەتەلدىك ينۆەستورلارعا تولەنۋگە ءتيىس كىرىستەردىڭ 60%-دان استامى ەلدە قالدى جانە قازاقستانداعى ءوز كاسىپورىندارىن, ءبىرىنشى كەزەكتە مۇنايگاز سالاسىنداعى كاسىپورىنداردى قارجىلاندىرۋعا باعىتتالدى.
تىكەلەي شەتەلدىك ينۆەستيتسيالار, ەڭ باستىسى مۇنايگاز سالاسىنىڭ بىرەسكەن كاسىپورىندارىنا ينۆەستيتسيالار ەلگە كاپيتالدىڭ اكەلىنۋىنىڭ نەگىزگى كوزى بولدى. 2016 جىلعى 3-توقساندا تىكەلەي شەتەلدىك ينۆەستيتسيالاردىڭ 6,3 ملرد. دولل. مولشەرىندە اكەلىنۋىنىڭ رەكوردتىق كورسەتكىشى تىركەلدى, ال تۇتاستاي العاندا 2016 جىلى ول 2015 جىلعى كورسەتكىشتەن 4 ەسە اسىپ ءتۇسىپ, 14,3 ملرد. دوللاردى قۇرادى.
2016 جىلى كاپيتالدىڭ اكەلىنۋى سونداي-اق ۇكىمەتتىڭ حالىقارالىق ۇيىمداردان قارىزداردى تارتۋ جانە ۇلتتىق قوردى پايدالانۋ ەسەبىنەن قامتاماسىز ەتىلدى. تۇتاستاي العاندا 2016 جىلى قارجى شوتى بويىنشا كاپيتالدىڭ تازا اكەلىنۋى (ۇلتتىق بانكتىڭ رەزەرۆتىك اكتيۆتەرىمەن وپەراتسيالاردى قوسپاعاندا) 9,3 ملرد. دوللار (2015 جىلى – 10 ملرد. دوللار) بولىپ باعالاندى.
2016 جىل ءۇشىن تولەم بالانسىنىڭ باپتارىندا جىكتەلمەگەن وپەراتسيالار بويىنشا كاپيتالدىڭ اكەتىلۋ كولەمدەرىنىڭ ايتارلىقتاي قىسقارۋى ءتان. 2016 جىلى تولەم بالانسىنىڭ تازا قاتەلەرى مەن قالىپ قويۋلارى 1,7 ملرد. دوللار بولاتىن تەرىس مانمەن قالىپتاستى (2015 جىلى مينۋس 5,4 ملرد. دولل.).
رەزەرۆتىك اكتيۆتەر (قر ۇلتتىق قورىنىڭ اكتيۆتەرىن ەسەپتەمەگەندە) 2016 جىلعى 31 جەلتوقسانداعى جاعداي بويىنشا 29,5 ملرد. دولل. (2015 جىلدىڭ سوڭىندا 27,9 ملرد. دولل.) بولدى, ول قازاقستاندىق تاۋارلار مەن كورسەتىلەتىن قىزمەتتەر يمپورتىنىڭ 9 ايعا جۋىعىن قارجىلاندىرۋدى قامتاماسىز ەتتى.