قر ۇكىمەتى 2017 جىلعا ارنالعان بيۋدجەت پارامەترلەرىن قايتا قارايدى. بۇل تۋرالى جارتى جىلعا نەگىزدەلگەن جۇمىس جوسپارىن تانىستىرۋ بارىسىندا قر ۇلتتىق ەكونوميكا ءمينيسترى تيمۋر سۇلەيمەنوۆ ءمالىم ەتتى, دەپ حابارلايدى قازاقپارات.
«ءبىرىنشى باعىت اياسىندا (ىشكى جالپى ءونىم وسىمىنە قول جەتكىزۋ) بيۋدجەتتىڭ ۇيلەستىرىلۋىن رەتتەۋ ماقساتىندا اقپاندا الەۋمەتتىك-ەكونوميكالىق بولجام مەن 2017 جىلعا ارنالعان رەسپۋبليكالىق بيۋدجەتتىڭ پارامەترلەرى قايتا قارالادى», - دەدى مينيستر ۇكىمەت وتىرىسىندا.
ونىڭ سوزىنە قاراعاندا, 2017 جىلعا نەگىزدەلگەن الدىن الا پارامەترلەر دايارلاندى.
ايتا كەتەيىك, جالپى باستى 9 باعىت بويىنشا 148 ءىس-شارا جوسپارلانعان. ونىڭ ىشىندە ىشكى جالپى ءونىم وسىمىنە قول جەتكىزۋ, جەكە سەكتوردى دامىتۋ جانە باسەكەلەستىكتى كۇشەيتۋگە جاعداي جاساۋ, جەكە ينۆەستيتسيانى تارتۋعا باسىمدىق بەرە وتىرىپ, ەكونوميكانى قارجىلاندىرۋدى قامتاماسىز ەتۋ, جاپپاي كاسىپكەرلىكتى دامىتۋ ارقىلى تۇرعىنداردىڭ تابىسىن ارتتىرۋ شارالارى ەسكەرىلگەن.
سونىمەن قاتار ادام كاپيتالىن دامىتۋعا باعىتتالعان رەفورمالاردى تەرەڭدەتۋ, جۇمىسپەن قامتۋ مەن جۇمىس ورىندارىن اشۋ, مەملەكەتتىك قىزمەتتەردىڭ تيىمدىلىگىن ارتتىرۋ, حالىقارالىق يندەكستەردە مەملەكەتتىڭ رەيتينگىن جوعارىلاتۋ ەسكەرىلىپ وتىر.