قر اقپارات جانە كوممۋنيكاتسيا مينيسترلىگى «ساندىق قازاقستان» باعدارلاماسىنىڭ جوباسىن ۇكىمەتكە ەنگىزۋدى جوسپارلاۋدا. بۇل تۋرالى بۇگىن ۇكىمەت وتىرىسىندا ۆەدومستۆو باسشىسى داۋرەن اباەۆ ءمالىم ەتتى.
ۇكىمەتتىڭ 2017 جىلدىڭ جارتىجىلدىعىنا ارنالعان جۇمىس جوسپارىن جاساقتاۋ بارىسىندا اقپارات جانە كوممۋنيكاتسيالار مينيسترلىگى الداعى التى ايداعى ءىس-قيمىلدىڭ باسىم باعىتتارىن اتادى.
«ءبىز بيىلعى جىلدىڭ ماۋسىم ايىندا «ءتسيفرلى قازاقستان» مەملەكەتتىك باعدارلاماسىنىڭ جوباسىن ۇكىمەتكە ەنگىزۋدى جوسپارلاپ وتىرمىز. تۇتاستاي العاندا, باعدارلامانىڭ باستى ماقساتى - قازاقستاندىقتاردىڭ ءومىر ساپاسىن ارتتىرۋ ءارى ۇلتتىق ەكونوميكانى تسيفرلاندىرۋ. قۇجاتتى جۇزەگە اسىرۋ شەڭبەرىندە 2020 جىلعا دەيىن ينتەرنەت قولدانۋشىلاردىڭ سانىن 80 پايىزعا دەيىن ارتتىرۋ, تۇرعىنداردىڭ 95 پايىزىن تسيفرلىق xابار تاراتۋمەن قامتۋ, ازاماتتاردىڭ تسيفرلىق ساۋاتتىلىعىن 80 پايىزعا دەيىن ارتتىرۋ كوزدەلۋدە», - دەدى مينيستر ۇكىمەت وتىرىسىندا.
ايتا كەتەيىك, قر پرەزيدەنتى ءوزىنىڭ بيىلعى جولداۋىندا ۇكىمەتكە «ساندىق قازاقستان» باعدارلاماسىن جۇزەگە اسىرۋدى تاپسىرعان بولاتىن.