وبلىس حالقىن تەكسەرىپ-قاراۋ – 9 ءتۇر بويىنشا, ونىڭ التاۋى ونكولوگيالىق اۋرۋلاردى انىقتاۋ بويىنشا جۇرگىزىلگەن, دەپ حابارلادى شقو اقپارات ورتالىعى.
«ەرەسەكتەردەن باسقا 18 جاسقا دەيىنگى 31 885 بالا قارالعان, ولاردىڭ ىشىندە ءار ءتۇرلى اۋرۋلارمەن اۋىراتىن 28 313 ادامنىڭ اۋرۋلارى ەرتە كەزەڭدە انىقتالعان, 11 116 ناۋقاس ديسپانسەرلىك ەسەپكە الىنعان, ال 12 407 ناۋقاس تولىق ەمدەلىپ شىققان», – دەلىنگەن حابارلامادا.
وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى رايفا سافيوللينوۆا ايتىپ وتكەندەي, اۋرۋلاردى ەمدەۋدەن ولاردىڭ الدىن الۋعا باعىتتالعان پروفيلاكتيكالىق ءىس-شارالارعا كوشۋگە باسا نازار اۋدارىلادى.
«وبلىس تۇرعىندارى قازىرگى ۋاقىتتا سكرينينگتەرگە بەلسەندى تۇردە قاتىسۋدا. كوپشىلىگى ودان باس تارتپاي, وزدەرىنىڭ دەنساۋلىعى ءۇشىن بارلىق كەزەڭنەن ءوتۋ قاجەتتىگىن تۇسىنەدى. پرەزيدەنتتىڭ جولداۋى تۇرعىسىنان ءبىز وسى باعىتتاعى جۇمىستى كۇشەيتەمىز», – دەپ اتاپ ءوتتى ر. سافيوللينوۆا.
ايتا كەتۋ كەرەك, 2014 جىلدان باستاپ قاۋىپتى ىسىك اۋرۋلارىنىڭ جوعارى دەڭگەيىن ەسكەرە وتىرىپ, شىعىس قازاقستان وبلىسىنىڭ 65 جاستان جوعارى تۇرعىندارىنا ارنالعان سكرينينگتىك باعدارلاما ەنگىزىلگەن بولاتىن, ونىڭ بارىسىندا 124 مىڭنان استام ادام تەكسەرىپ-قارالعان.