قازاقستاندا ورتالىق جىلۋ بەرۋ جۇيەسىنە كوپپاتەرلى تۇرعىن ۇيلەردىڭ جالپى كولەمىنىڭ 74% قوسىلعان, دەپ حابارلادى ۇلتتىق ەكونوميكا مينيسترلىگىنىڭ ءباسپاسوز قىزمەتى.
كۇزگى-قىسقى مۋسىمدا جىلۋدى پايدالاناتىن قوندىرعىلاردىڭ ىسكە قوسىلۋى مەن ولاردىڭ تەحنيكالىق جاعدايىن, سونداي-اق, جىلۋ جۇيەلەرى مەن ولاردىڭ دايىندىعى جانە جوندەۋ-قالپىنا كەلتىرۋ جۇمىستارىن باقىلاۋ جەرگىلىكتى اتقارۋشى ورگاندار ارقىلى جۇزەگە اسىرىلادى.
بارلىق قۋاتتاعى جۇمىس ىستەيتىن جىلۋ قازاندىقتارى مەن جىلۋ جۇيەلەرىنىڭ كۇزگى-قىسقى جۇمىسقا دايىندىق قۇجاتىن بەرۋ, سونداي-اق, ەسەپكە قويۋ جانە قاۋىپتى تەحنيكالىق قوندىرعىنى ەسەپتەن شىعارۋ ولاردىڭ قۇزىرىنا جاتادى.
بۇدان باسقا, جەرگىلىكتى اتقارۋشى ورگاندار 0,07 مەگاپاسكالدەن جوعارى قىسىمداعى نەمەسە سۋدىڭ قىزۋى 115 تسەلسي گرادۋستان اسقان جاعدايدا قاۋىپتى تەحنيكالىق قوندىرعىنىڭ قاۋىپسىز جۇمىس ىستەۋ بارىسىنا باقىلاۋ جاسايدى.
قاراعاندى وبلىسىندا ورىن العان قايعىلى جاعداي قايتالانباۋى ءۇشىن دەربەس جىلىتىلاتىن بارلىق كوپپاتەرلى تۇرعىن ۇيلەرگە تەكسەرۋ جۇرگىزۋ قاجەت دەپ سانايمىز.
ۇيلەردى ورتالىق جىلۋعا قوسۋ ماسەلەسى سايكەس بيۋدجەتتىك باعدارلامالار ارقىلى, سونداي-اق, قىزمەت كورسەتۋشىلەردىڭ جەكە ەسەبى ارقىلى شەشىلەدى. ورتالىق جىلۋمەن جابدىقتاۋعا كەتەتىن شىعىندار قولدا بار سايكەس جىلۋ قۋاتى جانە جىلۋمەن جابدىقتاۋ جۇيەسىن ەسەپكە الا وتىرىپ, جوبالىق-سمەتالىق قۇجاتتاما نەگىزىندە انىقتالادى. بيۋدجەتتەن تكش جاڭعىرتۋعا ارنالعان قارجى وبلىستار قاجەتتى راسىمدەۋلەردەن وتكەن سوڭ بولىنەدى. جوبالاردى قارجىلاندىرۋ قاجەتتىگى اكىمدىكتەردىڭ ءوتىنىشى مەن شەشىمى نەگىزىندە انىقتالادى.
2020 جىلعا دەيىنگى وڭىرلەردى دامىتۋ باعدارلاماسى جانە 2015-2019 جىلدارعا ارنالعان «نۇرلى جول» ينفراقۇرىلىمدى دامىتۋعا ارنالعان مەملەكەتتىك باعدارلاما نەگىزگى رەسپۋبليكالىق بيۋدجەتتىك باعدارلامالار بولىپ تابىلادى.
2020 جىلعا دەيىنگى وڭىرلەردى دامىتۋ باعدارلاماسى اياسىندا:2015 - 2016 جىلدارى كوممۋنالدىق سالاعا رەسپۋبليكالىق بيۋدجەتتەن بۇرىن باستالعان جوبالاردى اياقتاۋ ءۇشىن 29 جوبانى جۇزەگە اسىرۋعا 5,2 ملرد. تەڭگە (جىلۋمەن جابدىقتاۋعا –2948,4 ملن. تەڭگە سوماعا 11 جوبا, گازبەن جابدىقتاۋعا –2125,0 ملن. تەڭگە سوماعا 13 جوبا, ەلەكترمەن جابدىقتاۋعا –78,0 ملن. تەڭگە سوماعا 5 جوبا) ءبولىندى.
ءىس جۇزىندە شامامەن 402,4 شاقىرىم ينجەنەرلىك جەلى سالىندى جانە قايتا قالپىنا كەلتىرىلدى, ونىڭ ىشىندە جىلۋمەن جابدىقتاۋ – 31 شاقىرىم, ەلەكترمەن جابدىقتاۋ – 61 شاقىرىم, گازبەن جابدىقتاۋ – 310,4 شاقىرىم جانە 3 قازاندىق 100 گكال/س.دەيىن.
«نۇرلى جول» باعدارلاماسى اياسىندا: 2015 جىلى جىلۋ-, سۋمەن جابدىقتاۋ جانە سۋ تارتۋ جۇيەسىن جاڭعىرتۋ بويىنشا 92 جوبانى جۇزەگە اسىرۋعا 60 ملرد. تەڭگەبولىندى.
اعىمداعى كەزەڭدە 226,7 شاقىرىم ينجەنەرلىك جۇيە سالىندى جانە قايتا قالپىنا كەلتىرىلدى: جىلۋمەن جابدىقتاۋ جۇيەسى – 165,8 شاقىرىم;سۋمەن جابدىقتاۋ جانە سۋ تارتۋ جۇيەسى – 60,9 شاقىرىم.
2016 جىلى بيۋدجەتتىك نەسيەلەۋ تەتىگى ارقىلى جىلۋ-, سۋمەن جابدىقتاۋ جانە سۋ تارتۋ جۇيەسىن جاڭعىرتۋ بويىنشا 120 جوبانى جۇزەگە اسىرۋعا 86,9 ملرد. تەڭگە بولىندى.
2016-2017 جىلدارى بولىنگەن قاراجاتقا 1 716,7 شاقىرىم ينجەنەرلىك جۇيەنى, ونىڭ ىشىندە:103,8 شاقىرىم جىلۋمەن جابدىقتاۋ جۇيەسىن;1329 شاقىرىم سۋمەن جابدىقتاۋ جۇيەسىن;283,9 شاقىرىم سۋ تارتۋ جۇيەسىن سالۋ جانە قالپىنا كەلتىرۋ جوسپارلانىپ وتىر.
2017 جىلى باعدارلاما اياسىندا بيۋدجەتتىك نەسيەلەۋ تەتىگى ارقىلى جىلۋ-, سۋمەن جابدىقتاۋ جانە سۋ تارتۋ جۇيەسىن جاڭعىرتۋ بويىنشا 80 جوبانى جۇزەگە اسىرۋعا 48 ملرد. تەڭگە بولىندى.
شامامەن 2000 شاقىرىم ينجەنەرلىك جۇيە سالىنادى جانە قالپىنا كەلتىرىلەدى, سونداي-اق, 2018 جىلى جوبانى اياقتاۋ مەرزىمىندە جۇيەلەردىڭ توزۋى 57% ازايادى جانە شامامەن 1 025 707 ابونەنتكە كورسەتىلەتىن قىزمەت ساپاسى جاقسارادى.