دەننيەل دجەيكوبستىڭ جاتتىقتىرۋشىسى اندرە روزە امەريكالىقتىڭ 18 ناۋرىز كۇنى گەننادي گولوۆكيندى جەڭەتىنىنە ەش كۇمان كەلتىرمەيدى. بۇل تۋرالى sports.kz حابارلادى.
«GGG دجەيكوبستىڭ كۇشىنەن قورقۋى ءتيىس. ەكەۋىنىڭ دە نوكاۋت كورسەتكىشى بىردەي. ال ەگەر ءمان بەرىپ قارايتىن بولساق, دەنني جىلدامىراق قوزعالادى ءارى اياعىمەن دە شاپشاڭ قيمىلدايدى. قازاقستاندىقتىڭ سوققىلارىنان جاسقانبايمىز. قايتا ءبىز قارسى شابۋىلداپ, تەز جاۋاپ قايتاراتىن بولامىز», – دەدى روزە.
«ءبىز 12 راۋندتان كەيىن تورەشىلەردىڭ شەشىمىمەن جەڭىسكە جەتەمىز دەگەن ويدامىن. ەگەر ءبارىن جوسپارلى تۇردە جۇزەگە اسىرساق, گەنناديدىڭ العاشقى جەڭىلىسىنە سەبەپشى بولامىز», – دەدى دجەيكوبستىڭ باپكەرى.
بۇعان دەيىن دەننيەل نيۋ-يوركتە وتەتىن جەكپە-جەكتە جەڭىسكە جەتىپ, قارسىلاسىنىڭ بارلىق بەلبەۋىن تارتىپ الۋعا شاماسى جەتەتىنىن ايتقان. ال گولوۆكيننىڭ جاتتىقتىرۋشىسى ابەل سانچەس ءوز كەزەگىندە ونىڭ جەتى راۋندتان ۇزاققا شىدايتىنىنا كۇمانمەن قارايتىنىن مالىمدەگەن بولاتىن.