فرانتسۋزدىڭ "ۇلتتىق فرونتى" كوشباسشىسى جانە ەل پرەزيدەنتتىگىنە ۇمىتكەر مارين لە پەن ەگەر سايلاۋدا جەڭىسكە جەتەتىن بولسا, فرانتسيانىڭ ەۋرودان باس تارتىپ, ۇلتتىق ۆاليۋتاسىنا بىرىڭعاي كوشىرەتىنىن مالىمدەدى, دەپ حابارلايدى BBC.
ونىڭ ايتۋىنشا, ەۋروايماق ەلدەرىنىڭ ەۋرو ۆاليۋتاسى قابىلدانعانعا دەيىن قولدانىستا بولعان ەكيۋ ۆاليۋتالىق جۇيەسىنە كوشكەنى دۇرىس.
"ەكيۋ ۇلتتىق ۆاليۋتالارمەن پاراللەل جۇمىس ىستەدى. مۇنداي جۇيە فرانتسۋزداردىڭ كۇندەلىكتى ومىرىنە ەشقانداي دا كەدەرگىسىن كەلتىرمەيدى", - دەيدى لە پەن.
BBC حابارلاۋىنشا, لە پەننىڭ ەكونوميكالىق كەڭەسشىسى ەگەر لە پەن سايلاۋدا جەڭىسكە جەتسە, ەلدىڭ فرانكقا كوشۋى كۇن تارتىبىنە قويىلاتىنىن ايتتى.
يمميگراتسياعا قارسى جانە ەو-عا كۇمانمەن قارايتىن لە پەن پارتياسى وتكەن جىلدىڭ جەلتوقسانىندا وتكەن فرانتسيانىڭ جەرگىلىكتى بيلىك ورگاندارىنا وتكەن سايلاۋدا 27 پايىز داۋىس جيناعان ەدى.