2017 جىلدىڭ 1 قاڭتارىنان باستاپ استانادا ەلەكتر ەنەرگياسى مەن سۇيىتىلعان گاز تاريفتەرى وزگەرمەيدى. بۇل تۋرالى قالالىق كاسىپكەرلەر پالاتاسى مەملەكەتتىك باعا رەتتەۋدەن مونوپولياعا قارسى رەتتەۋگە كوشۋ بويىنشا ۇيىمداستىرعان ءباسپاسوز ءماسليحاتىندا قر ۇەم تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ استانا قالاسى بويىنشا دەپارتامەنتىنىڭ باسشىسى بولات تانابەرگەن ءمالىم ەتتى, دەپ جازادى قالالىق اكىمدىكتىڭ ءباسپاسوز قىزمەتى.
ونىڭ ايتۋىنشا, رەتتەلەتىن نارىقتاردا باعا رەتتەۋدى الىپ تاستاۋ نارىق سۋبەكتىلەرى كورسەتەتىن قىزمەتتەردىڭ باعاسىن وبەكتيۆتى ەمەس قىمباتتاۋىنا نەمەسە الەۋمەتتىك الاڭداۋشىلىققا الىپ كەلۋى مۇمكىن. وسىعان بايلانىستى ۇلتتىق ەكونوميكا مينيسترلىگى تالداۋ جۇرگىزدى, ونىڭ قورىتىندىسى بويىنشا قوعامدىق ماڭىزدى نارىقتاردىڭ ءتىزىمى جاسالدى, وندا باعالاردى مەملەكەتتىك رەتتەۋدەن اۋىسۋ كەزەڭ-كەزەڭمەن جۇرگىزىلەدى.
«قازىرگى ۋاقىتتا دەپارتامەنت 18 قىزمەت بويىنشا 12 نارىق سۋبەكتىسىنىڭ باعالارىن رەتتەپ وتىر. 2017 جىلدىڭ 1 قاڭتارىنان باستاپ قر ۇەم تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ دەپارتامەنتى ەلەكتر ەنەرگياسىن «استاناەنەرگوسبىت» اق ارقىلى بولشەك ساۋدادا وتكىزۋ جانە «استانا ق. ورتالىق گازبەن قامتۋ» جشس گاز-رەتتەگىش قوندىرعىلارى ارقىلى بولشەك ساۋدادا وتكىزۋدىڭ باعا رەتتەۋىن جالعاستىرادى. نارىقتىڭ اتالعان سۋبەكتىلەرى بويىنشا جاڭا جىلدان باستاپ باعا بۇرىنعى دەڭگەيدە قالادى», - دەپ اتاپ كورسەتتى بولات تانابەرگەنوۆ. ق
العان سۋبەكتىلەر مونوپولياعا قارسى رەتتەۋگە كوشەدى. ونىڭ اتاپ كورسەتۋىنشە, باعالار كۇرت كوتەرىلگەن جاعدايدا, ال بۇل سۋبەكتىلەردىڭ قىزمەتىندە باسەكەلەستىك سالاسىنداعى زاڭنامانى بۇزعانىن كورسەتەدى, وندا مونوپولياعا قارسى ورگان ايىپپۇل سانكتسيالارىنان تۇراتىن ارەكەت ەتۋ شاراسىن قابىلداۋعا قۇقىلى.