ۇلتتىق بانك باسقارماسىنىڭ № 318 قاۋلىسىمەن «Delta Bank» اق قوعامىنا جەكە تۇلعالاردىڭ دەپوزيتتەرىن قابىلداۋ, بانك شوتتارىن اشۋ جانە باعالى قاعازدار نارىعىنداعى قىزمەتتى جۇزەگە اسىرۋعا بەرىلگەن ليتسەنزيا قايتا كۇشىنە ەندى, دەپ حابارلايدى ۇلتتىق بانك. ەسكە سالايىق بۇعان دەيىن رەتتەۋشى اتالعان ليتسەنزيانى ۋاقىتشا توقتاتقان ەدى. Delta Bank-پەن بىرگە قازينۆەستبانك ليتسەنزياسى دا الىنعان. الايدا ونىڭ ليتسەنزياسى قايتارىلمادى. 2016 جىلدىڭ 26 جەلتوقسانىندا بانك نەگىزگى ليتسەنزياسىنان ايىرىلدى. بۇگىن سونداي-اق S&P Global Ratings Delta Bank-ءتىڭ ۇزاق جانە قىسقا مەرزىمدى كرەديتتىك رەيتينگىن تومەندەتكەنى بەلگىلى بولدى. سونىمەن قاتار ۇلتتىق ولشەم بويىنشا بانك رەيتينگى «kzBB+» دەڭگەيىنەن»kzۆ-» دەڭگەيىنە, كەپىلمەن قامتاماسىز ەتىلمەگەن قارىزدار رەيتينگى «ۆ» دەڭگەيىنەن «سسس+» دەڭگەيىنە دەيىن تومەندەگەن.
ۇلتتىق بانك Delta Bank-ءتىڭ ليتسەنزياسىن قايتارىپ بەردى
123 رەت
كورسەتىلدى