قىتايدىڭ شىڭگىل اۋدانى ارالتوبە كەنتىندە قازاقشا كۇرەس قاۋىمداستىعى قۇرىلدى, دەپ حابارلايدى قازاقپارات.
قىتايلىق جەنمين جيباو باسىلىمىنىڭ حابارلاۋىنشا, بۇل - قازاق حالقىنىڭ كۇرەس ونەرىنىڭ وركەندەۋى ءۇشىن قۇرىلعان قىتايداعى العاشقى قازاق كۇرەسى قاۋىمداستىعى. قاۋىمداستىقتىڭ ارالتوبە كەنتى مەكتەپ ينتەرناتىنداعى جاتتىعۋ بازاسىندا 20-عا تارتا مەكتەپ وقۋشىسى ءداستۇرلى كۇرەس ونەرىنىڭ قىر-سىرىن مەڭگەرۋدە.
باس باپكەر جانداۋلەتتىڭ ايتۋىنا قاراعاندا, جاتتىعۋ بازاسى قاجەتتى جابدىقتارمەن جابدىقتالىپ, ەكى باپكەر جاتتىعۋ جۇمىستارىن جۇرگىزىپ وتىر ەكەن. الداعى ۋاقىتتا قىتايداعى قازاق كۇرەسىنەن حالقارالىق سپورت شەبەرى جايداردى باپكەرلىككە ۇسىنۋ كوزدەلىپ وتىرعانى بەلگىلى بولدى.