«رەال» فۋتبول كلۋبىنىڭ جانە پورتۋگاليا ۇلتتىق قۇراماسىنىڭ شابۋىلشىسى كريشتيانۋ رونالدۋ 26 اقپارات اگەنتتىگىنىڭ نۇسقاسى بويىنشا ەۋروپانىڭ 2016 جىلعى ۇزدىك سپورتشىسى دەپ اتاندى.
داۋىس بەرۋ ناتيجەسىندە ول شوتلانديالىق تەننيسشى ەندي ماررەيدەن, ريو وليمپياداسىنىڭ التىن جۇلدەگەرى ۆەنگريالىق كاتينكا حوسسۋدەن باسىم ءتۇستى.
بيىل پورتۋگاليالىق فۋتبولشى چەمپيوندار ليگاسىن, ەۋرو-2016 دوداسىن, كلۋبتار اراسىنداعى الەم چەمپيوناتىن جەڭىپ الدى. سونداي-اق, جۋىردا مانسابىنداعى ءتورتىنشى «التىن دوبىنا» قول جەتكىزدى.
ايتا كەتەيىك, پولشالىق رار بۇل ساۋالنامانى 1958 جىلدان بەرى وتكىزىپ كەلەدى. وعان Efe (يسپانيا), France Presse (فرانتسيا), Agerpress (رۋمىنيا), ANP (گوللانديا), APA (اۆستريا), ATA (البانيا), Belga (بەلگيا), بەلتا (بەلارۋس), BTA (بولگاريا), CTK (چەحيا), DPA (گەرمانيا), Elta (ليتۆا), Fena (بوسنيا جانە گەرتسەگوۆينا), Hina (حورۆاتيا), Leta (لاتۆيا), Lusa (پورتۋگاليا), Moldpres (مولدوۆا), SDA-ATS (شۆەيتساريا), SHGSK (كوسوۆو), SID (گەرمانيا), Sita (سلوۆاكيا), STA (سلوۆەنيا), Tanjug (سەربيا), تاسس (رەسەي), ۋكرينفورم (ۋكراينا) جانە PAP (پولشا) اگەنتتىكتەرى قاتىستى.