بۇرقاسىن سالدارىنان شىعىس قازاقستان جانە الماتى وبلىستارىندا اۆتوكولىك قوزعالىسى شەكتەلدى, دەپ حابارلايدى «كازاحاۆتودور» رمك.
مالىمەتتەر بويىنشا, شىعىس قازاقستان وبلىسىندا ساعات 18:15-تە اۋا رايىنىڭ قولايسىزدىعىنا بايلانىستى (بۇرقاسىن, كورۋ مۇمكىندىگىنىڭ شەكتەلۋى) «الماتى-وسكەمەن» تاس جولىنىڭ اياگوز قالاسىنان قالباتاۋ اۋىلىنا دەيىنگى بولىگى (778-863 شاقىرىم ارالىعى) جۇك جانە قوعامدىق كولىكتەر ءۇشىن جابىلدى.
الماتى وبلىسىندا اۋا رايىنىڭ قولايسىزدىعىنا بايلانىستى (قار, بۇرقاسىن, كورۋ مۇمكىندىگىنىڭ شەكتەلۋى) ساعات 18:30-دا «سارىوزەك-كوكتال» تاس جولىنىڭ قوعالى اۋىلىنان باسشى اۋىلىنا دەيىنگى ارالىعى (40-80 شاقىرىم) جۇك كولىكتەرى ءۇشىن; ساعات 19:00-دە «الماتى-وسكەمەن» كۇرە جولىنىڭ تالدىقورعان قالاسىنان ءۇشارال قالاسىنا دەيىنگى بولىگى (287-558 شاقىرىم) جۇك جانە قوعامدىق كولىكتەر ءۇشىن جابىلدى.