شىمكەنتتەگى جاستار رەسۋرستىق ورتالىعىندا «جانۇيا» ءفيلمىنىڭ تۇساۋكەسەرى ءوتتى, دەپ حابارلايدى Baq.kz.
وڭتۇستىك قازاقستان وبلىسىنىڭ جاستار ساياساتى ماسەلەلەرى جونىندەگى باسقارماسىنىڭ تاپسىرىسىمەن تۇسىرىلگەن كينو تۋىندىنىڭ رەجيسەرى - «مايدانگەرلەر», «وتەلمەس بورىش», «جاستىق شاق»», «جاڭعىرىق» فيلمدەرىمەن تانىمال سەرىك تالاسوۆ.
كينو جەلىسىندە قازىرگى قوعامدا ورىن العان وتباسىداعى كەلەڭسىز جاعدايلار سۋرەتتەلىپ, ۇلكەنگە قۇرمەت, كىشىگە ىزەت ءبىلدىرۋ سىندى جالپى تاربيەلىك ۇعىمدار كورىنىس تاپقان.
بەينە ءفيلمنىڭ كاستينگى بيىلعى جىلدىڭ 1 تامىزىندا وتكىزىلىپ, 200-دەن اسا اكتەرلىك قابىلەتى بار جاستار ءرول سومداۋعا ىرىكتەپ الىندى.
ءفيلمنىڭ ءتۇسىرىلىمى شىمكەنت قالاسىندا ءوتتى. جاڭا كينودا بەلگىلى اكتەرلەر ەرجان جارىلقاسىن, اقمارال ماحانوۆا, عالىمجان قالىباەۆ, ولجاس بەكباۋوۆ رولدەردى سومدايدى.
تۇساۋكەسەر ءراسىمى بارىسىندا ءفيلمنىڭ جارىققا شىعۋىنا ۇلەس قوسقان شىعارماشىلىق توپ وبلىستىق جاستار ساياساتى ماسەلەلەرى جونىندەگى باسقارمانىڭ ارنايى العىس حاتىمەن ماراپاتتالدى.