112 ەل مەن 18 حالىقارالىق ۇيىم ەكسپو-2017 كورمەسىنە قاتىسادى. بۇل تۋرالى سىرتقى ىستەر ءمينيسترى ەرلان ىدىرىسوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا مالىمدەدى.
«مالىمەت بويىنشا كورمەگە 100 ەل مەن 10 حالىقارالىق ۇيىم قاتىساتىن بولعان. بىراق قورىتىندىسىندا ەكسپو-2017 كورمەسىنە 112 ەل مەن 18 حالىقارالىق ۇيىم قاتىساتىن بولدى. 108 ۇلتتىق سەكتسيانىڭ كوميسسارى تاعايىندالدى», – دەدى ە.ىدىرىسوۆ.
ءمينيستردىڭ ايتۋىنشا, ۆەدومستۆو ەكسپو-2017 حالىقارالىق كورمەسىنە شەتەلدىك مەملەكەتتەردىڭ قاتىسۋىن قامتاماسىز ەتۋ بويىنشا اۋقىمدى جۇمىس اتقارىلدى.
«حالىقارالىق قاتىسۋشىلاردى تارتۋ – وتە كۇردەلى ءۇردىس. ءاربىر قازاقستاندىق ەلشىلىكتە ەكسپو كورمەسى ءۇشىن ءجاۋاپتى ءبىر تۇلعا سايلاندى. تۇراقتى تۇردە قازاقستاندا اككرەديتتەلگەن شەتەلدىك ەلشىلەرمەن كەلىسسوزدەر وتكىزىلىپ كەلەدى», – دەدى ە.ىدىرىسوۆ.
سونداي-اق, مينيستر ايتقانداي, كورمە اياسىندا ءىرى حالىقارالىق شارالاردى وتكىزۋگە دايىندىق جۇرگىزىلۋدە.