2016 جىلدىڭ 11 ايىندا ەلوردانىڭ ونەركاسىپ كاسىپورىندارى 368,2 ملرد تەڭگەنىڭ ءونىمىن شىعاردى, ءوسىم كولەمى 2,1%, دەپ حابارلادى astana.gov.kz.
قالا ەكونوميكاسىنا 712,9 ملرد تەڭگە ينۆەستيتسيالاندى, بۇل وتكەن جىلعى كورسەتكىشتەن 1,5%-عا جوعارى. قالالىق ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى ايجان تۇگەلباەۆا قالالىق ءماسليحاتتىڭ تۇراقتى كوميسسيالارىنىڭ بىرلەسكەن وتىرىسىندا وسىنداي مالىمەتتەر كەلتىردى.
وڭىرلىك جالپى ءونىمنىڭ كولەمى بويىنشا استانا رەسپۋبليكادا اتىراۋ وبلىسىنان كەيىنگى ەكىنشى ورىندا تۇر. وسى جىلدىڭ ءبىرىنشى جارتىجىلدىعىنىڭ قورىتىندىسى بويىنشا, ول 2 148,8 ملرد تەڭگەنى قۇرادى. بۇل وتكەن جىلدىڭ سايكەس كەزەڭىندەگىدەن 2,9%-عا كوپ.
ا. تۇگەلباەۆانىڭ ايتۋىنشا, بيىلعى جىلدىڭ قاڭتار-قاراشا ايلارىندا ەلوردادا 17,3 مىڭ جاڭا جۇمىس ورنى قۇرىلعان. بۇل 2016 جىلدىڭ ءىىى توقسانىنىڭ قورىتىندىسى بويىنشا جۇمىسسىزدىق دەڭگەيىن 4,6%-عا دەيىن تومەندەتۋگە مۇمكىندىك بەردى.
بيۋدجەتتىك جوسپارلاۋ باسقارماسى باسشىسىنىڭ ورىنباسارى جەكەلەگەن الەۋمەتتىك-ەكونوميكالىق ينديكاتورلار بويىنشا جوسپارلىق كورسەتكىشتەر اعىمداعى جاعدايدى تالداۋ ناتيجەلەرىن ەسكەرە وتىرىپ وزگەرتىلگەنىن اتاپ كورسەتتى.