2016 جىلى كارتا نارىعى جۇيەلى تۇردە وزگەرگەن. العاش رەت نارىقتاعى نەسيە كارتاسىنىڭ ۇلەسى 5-6%-عا ارتىپ, بىردەن 13%-دى قۇرادى. بۇل تۋرالى ranking.kz سىلتەمە جاساپ 7kun.kz حابارلادى.
قولدانىلعان نەسيە كارتالارى سانى ءبىر جىلدا بىردەن 2,6 ەسەگە ءوسىپ, ميلليوننان استى. قاراشا ايىنداعى ناتيجە بويىنشا نارىقتا بەلسەندى تۇردە قولدانىلعان كارتالاردىڭ سانى 1,08 ميلليوننان اسقان. وسىلايشا, بانكتىك كارتالار نارىعىندا نەسيە كارتالارىنىڭ ۇلەسى باسىم.
سونداي-اق, ءتيىمدى cash-back, كارتا ارقىلى ۇسىنىلاتىن نەسيەلىك ساتىپ الۋلار جانە ەشقانداي الدىن الا تولەم جاساماي تاۋار ساتىپ الۋ سياقتى قىزمەتتەر بويىنشا نەسيەلىك كارتانى قولداناتىنداردىڭ سانىنى ارتقان.
بۇدان بولەك, نەسيە كارتالارى اراسىندا Visa حالىقارالىق جۇيەسىن پايدالانعانداردىڭ ۇلەسى باسىم (بىردەن 16,3%-عا دەيىن وسكەن). ءبىر جىل ىشىندە قولدانىلعان Visa كارتاسىنىڭ سانى 2,6 ەسەگە ءوسىپ, 939 مىڭنان استى.
MasterCard جۇيەسىندە پايدالانىلعان نەسيە كارتالارىنىڭ ۇلەسى 8% نەمەسە سانى شامامەن 3 ەسەگە ارتىپ, قاراشا ايىندا 122,9 مىڭعا جۋىقتادى.
قاراشا ايىنىڭ ناتيجەسى بويىنشا نەسيە كارتاسىن ەڭبەككە قابىلەتتى ءاربىر سەگىزىنشى قازاقستاندىق پايدالانادى.