بۇگىن ەلىمىزدىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى تۇراقسىز اۋا رايى ساقتالادى. وڭتۇستىكتىڭ كەي جەرلەرىندە قاتتى جاۋىن-شاشىن كۇتىلەدى. جەكەلەگەن اۋماقتاردا بۇرقاسىن, تۇمان, كوكتايعاق بولىپ, جەل كۇشەيەدى, دەپ حابارلادى «قازگيدرومەت» رمك.
اقمولا, باتىس قازاقستان, اقتوبە, سولتۇستىك قازاقستان, پاۆلودار, قاراعاندى وبلىستارىنىڭ كەي جەرلەرىندە بۇرقاسىن كۇتىلەدى, ال اقمولا, باتىس قازاقستان, قاراعاندى وبلىستارىندا جەلدىڭ ەكپىنى 15-20 م/س كۇشەيەدى.
جامبىل, وڭتۇستىك قازاقستان, قىزىلوردا وبلىستارىنىڭ كەي جەرلەرىندە تۇمان, كوكتايعاق بولىپ, جەلدىڭ جىلدامدىعى 15-23 م/س ارتادى, سونداي-اق قىزىلوردا وبلىسىندا بۇرقاسىن سوعادى.
ماڭعىستاۋ وبلىسىندا, كۇندىز اتىراۋ وبلىسىنىڭ كەي جەرلەرىندە جەل 15-20 م/س كۇشەيەدى, ماڭعىستاۋ وبلىسىنىڭ جەكەلەگەن جەرلەرىندە كوكتايعاق بولجانۋدا.
قوستاناي, شىعىس قازاقستان وبلىستارىنىڭ كەي جەرلەرىندە بۇرقاسىن, تۇمان بولادى, شىعىس قازاقستان وبلىسىندا جەلدىڭ جىلدامدىعى 15-20 م/س ارتادى.
الماتى وبلىسىنىڭ جالاڭاشكول اۋدانىندا جەل 17-22 م/س كۇشەيىپ, تۇندە كەي جەرلەرىندە تۇمان كۇتىلەدى.
تۇندە سولتۇستىك قازاقستان وبلىسىنىڭ كەي جەرلەرىندە قاتتى اياز بولۋى مۇمكىن.