ءبىرىنشى ورتا سالماقتا ونەر كورسەتەتىن قازاقستاندىق بوكسشى قانات يسلام (22-0, 18 كو) بۇكىلالەمدىك بوكس ۇيىمىنىڭ (WBO) رەيتينگىندە ءبىر ورىنعا كوتەرىلدى. بۇل تۋرالى vesti.kz حابارلادى.
ول سوڭعى كەزدەسۋىن 29 قازان كۇنى الماتى قالاسىندا گانالىق پاتريك اللوتەيگە قارسى وتكىزگەن. 12 راۋندقا سوزىلعان جەكپە-جەكتە قازاقستاندىق بىلعارى قولعاپ شەبەرى تورەشىلەردىڭ شەشىمىمەن جەڭىسكە جەتكەن بولاتىن.
جاڭارتىلعان تىزىمدە ول بەسىنشى ورىنعا جايعاستى. ال ءبىرىنشى ورىندا – مەكسيكالىق ساۋل «كانەلو» الۆارەس.
قازاقستاندىق بوكسشى كەلەسى ۇرىسىن 2017 جىلدىڭ قاڭتار ايىندا اقش-تا وتكىزۋى مۇمكىن.