جاس ۇرپاقتى جاڭا ۇيىمعا قابىلدادى

كەشە ەلباسى نۇرسۇلتان نازارباەۆ ەلوردادا بيىل اشىلعان №66 مەكتەپ-ليتسەيدە بولىپ, «جاس قىران» جانە «جاس ۇلان» بىرىڭعاي بالالار مەن جاسوسپىرىمدەر ۇيىمىنىڭ العاشقى مۇشەلەرىن قابىلداۋعا ارنالعان سالتاناتتى شاراعا قاتىستى. جاراتىلىستانۋ عىلىمدارىن تەرەڭدەتىپ وقىتاتىن مەكتەپ-ليتسەي حالىقتىڭ كوز قۋانىشىنا اينالدى. بۇل ءبىلىم ۇياسى ەسىل اۋدا­نىنا قاراستى «بايتەرەك» مو­نۋمەنتى ماڭىنا ورنالاسقان. «التىن ءححى» جشس سالعان مەكتەپ بيىلعى جىلدىڭ 5 قاڭ­تا­رىن­دا استانا قالاسى اكىمدىگىنىڭ قاۋ­لىسىمەن اشىلعانىن دا ايتا كەتەيىن. جوبالىق قۋاتى بويىنشا 1200 بالانى قابىلداي الاتىن ليتسەي الداعى ۋاقىتتا ءوز وقۋشىلارىن فيزيكا, ماتەماتيكا, حيميا جانە بيولوگيا ءپان­دە­رىنە تەرەڭدەتىپ وقىتپاق. ەلباسى ن.نازارباەۆتىڭ قاتىسۋىمەن ءوت­كەن سالتاناتتى شارا ۇزدىك وقۋ­شى­لاردى «جاس ۇلان» بىرىڭعاي بالالار مەن جاسوسپىرىمدەر ۇيى­مىنا العاشقى مۇشەلەر قا­بىل­داۋىمەن ماڭىزدى بولدى. مەملەكەت باسشىسى ن.نازارباەۆ «نۇر وتان» حدپ-نىڭ ءحىىى سەزىندە قازاقستانداعى بالالار مەن جاسوسپىرىمدەرگە ارنالعان جاڭا جۇيە قۇرۋ كەرەكتىگىن ايت­قان. وسىعان وراي, ەلىمىزدەگى جاستار ۇيىمدارى كوشباسشى­لارى­نىڭ باستاماسى «جاس ۇلان» ءبىر­ىڭ­عاي بالالار مەن ءجاسوس­پى­رىم­دەر ۇيىمى قۇرىلعان ەدى. بۇل  جاڭا تۇرپاتتى جاس قازاق­ستان­دىق­تى, ۇلتتىڭ بولاشاق ەلي­تا­سىن قالىپتاستىرۋعا باعىتتالعان بالالار مەن جاسوسپىرىمدەر ۇيى­مى بولىپ تابىلادى. بۇل كۇنى قالا وقۋشىلارى بوي­ىنشا ىرىكتەلگەن 150 ۇزدىك وقۋشى «جاس قىران» جانە «جاس ۇلان» ۇيىمىنىڭ مۇشەسى اتا­نىپ, پرەزيدەنت ن.نازار­باەۆ­تىڭ قو­لى­نان ۇيىمنىڭ تۋىن قابىلداپ الدى. ءبىلىم كۇنىمەن بارشا ۇس­تاز­دار مەن وقۋشى­لار­دى قۇتتىقتاعان ەلباسى ن.نا­زارباەۆ, بيىل قا­زاق­ستاندا وقۋ­شىلارعا 7441 مەكتەپ­تىڭ ەسىگى اشىلادى, 2,5 ميلليون بالا مەكتەپكە بارادى. 20 جىل ىشىندە ەلىمىز بويىنشا 780 مەكتەپ سالىندى. 2020 جىلعا دەيىن تا­عى دا 513 مەكتەپ ىسكە قوسى­لا­دى. بۇلدىرشىندەرىمىزدىڭ 56 پاي­ى­­زى بالاباقشاعا باراتىن بولدى. جاراتىلىستانۋ ءبىلىمى قا­زاق­ستان­عا وتە قاجەت. اشى­لا­تىن جا­ڭالىقتار دا, عىلىمنىڭ شىڭى دا ءدال وسى ماماندىق­تار­دان شى­عۋدا. قانداي ماماندىقتى تاڭ­دا­ساڭىزدار سول ماماندىقتىڭ شى­ڭى­نا جەتەتىن بولىڭىزدار, دەدى. سالتاناتتى شارا اياقتالعان سوڭ, ەلباسى مەكتەپ عيماراتىن ارالادى. پرەزيدەنت مەكتەپتىڭ كىرەبەرىسىندە ورناتىلعان ەلەك­ترون­دى وتكىزۋ جۇيەسىمەن تانى­سىپ, سىنىپ بولمەسىندەگى ۇلكەن ەكراننان وقۋ ءفيلمىن تاما­شا­لا­دى. ينفورماتيكا ءپانىنىڭ مۇعا­لى­مى مەن وقۋشىلار پرەزيدەنتكە وقۋ ۇدەرىسىندە جاڭا يننوۆا­تسيا­لىق تەحنولوگيالاردىڭ قولدانى­لۋى جونىندە اڭگىمەلەپ بەردى. سونداي-اق, مەملەكەت باسشىسى ەل تاۋەلسىزدىگىنىڭ 20 جىلدىعىنا ارنالعان 4-سىنىپتىڭ ساباعىنا قاتىستى. بۇل مەكتەپتە 1 مەن 10- سىنىپتار ارالىعىندا 1600 وقۋشى وقىپ, ولارعا 80 ۇستاز ساباق بەرەدى. جوعارى جانە ءبىرىنشى ساناتتاعى مۇعالىمدەر بارلىق وقىتۋشى قۇرامنىڭ 55 پايىزىن قۇرايدى. وقۋشىلار مەن مۇعا­لىمدەردىڭ نەگىزگى بولىگى №59 مەكتەپ-ليتسەيىنەن اۋىسىپ كەلگەن. جەرگىلىكتى بيۋدجەتتەن ەلەك­ترون­دى قاۋىپسىزدىك جۇيەسىنە  ەلەك­تروندى جۋرنال, وقۋشىنىڭ ەلەكتروندى كۇندەلىگى, مەكتەپتى اكىمشىلەندىرۋ جانە باسقارۋ بوي­ىنشا ەلەكتروندى مالىمەتتەر با­زاسىنا قاراجات بولىنگەن. مەك­تەپتىڭ ماتەريالدىق جابدىقتا­لۋى­نا كەلەر بولساق, وقۋشى­لار­دىڭ قاۋىپسىزدىك جۇيەسى, 4 ينفورماتيكا كابينەتى, ۇلكەن جانە شا­عىن 2 سپورت زالى, فۋتبول, ۆولەيبول-باسكەتبول الاڭدارى, وقۋ زا­لى­مەن قوسا كىتاپحانا, 560 ورىن­دىق اكت زالى, سونداي-اق بي زالى بار. مەكتەپ-ليتسەيدىڭ وزگە مەكتەپتەردەن باستى ايىرما­شى­لىعى ونداعى ەلەكتروندى قاۋىپ­سىزدىك جۇيەسىنىڭ ورناتى­لۋىندا. بۇل جونىندە ليتسەي ديرەكتورى ايجان شاياحمەتوۆا اتالعان جۇيە ارقىلى وقۋشى مەكتەپكە كىرەر كەزدە ارنايى تاڭباعا ساۋساعىن تيگىزگەندە ارنايى قۇرال اشى­لىپ, وقۋشى ىشكە كىرەدى. ساباق اياقتالعان كەزدە دە وسى ءۇردىس ارقىلى مەكتەپتەن شىعادى, دەدى. جۇلدىز ءبايدىلدا. ----------------------------------------- سۋرەتتەردى تۇسىرگەندەر س.بوندارەنكو, ب.وتارباەۆ.