قوستانايلىقتار مەرەكە كۇندەرى قونىس تويىن تويلادى

مەرەكە كۇندەرى وبلىس ورتالىعىنداعى جاڭا «ارمان» شاعىن اۋدانىندا 102 پاتەرلى التى قاباتتى جاڭا ءۇي پايدالانۋعا بەرىلىپ,  وبلىس اكىمى  ارحيمەد مۇحامبەتوۆ 20 قوستانايلىققا پاتەر كىلتىن تابىس ەتتى. «تاۋەلسىزدىكتىڭ 25 جىلدىعىنا ارنالعان «25 جۇلدىزدى كۇن» اكتسياسى بويىنشا مەرەكەگە دەيىن كۇن دە ءبىر الەۋمەتتىك نىسان پايدالانۋعا بەرىلىپ وتىردى. ونىڭ قاتارىندا  دەنساۋلىق ساقتاۋ سالاسىنا قاجەتتى عيماراتتار, سپورت الاڭدارى, كىتاپحانا,  گاز قۇبىرى, اۋىز سۋ قۇبىرى بار. «ارمان» شاعىن اۋدانىنان تاعى ءبىر ءۇي قۇرىلىسى جاقىن كۇندەرى اياقتالادى, 70 قوستانايلىق وتباسى باسپانالى بولادى», دەدى قونىس توي يەلەرىن قۇتتىقتاعان ارحيمەد بەگەجان ۇلى. جاڭا تاپسىرىلعان ءۇي «نۇرلى جول» باعدارلاماسى اياسىندا سالىندى. ءنازيرا جارىمبەتوۆا, "ەگەمەن قازاقستان". قوستاناي