قازاقستاندىق شارۋا گەننادي زەنچەنكو 79 جاسىندا قايتىس بولدى, - دەپ حابارلايدى Tengrinews.kz. شارۋا قىزمەتكەرىنىڭ بۇگىن قايتىس بولعانى بەلگىلى بولدى. ايتا كەتەيىك, جەرلەۋ ءراسىمى نوۆونيكولسك اۋىلىندا وتەدى.
گەننادي يۆانوۆيچ زەنچەنكو - "زەنچەنكو ي ك" سەرىكتەستىگىنىڭ باس ديرەكتورى قىزمەتىن اتقاردى. قازاقستان رەسپۋبليكاسىنىڭ ەڭبەك ەرى اتانعان, سونداي-اق, گەننادي يۆانوۆيچ سولتۇستىك قازاقستان وبلىسىنىڭ قۇرمەتتى ازاماتى.
ەستەرىڭىزگە سالا كەتسەك, 15 جەلتوقسان كۇنى قر تاۋەلسىزدىگىنىڭ 25 جىلدىعىنا ارنالعان سالتاناتتى جيىندا ەلباسى نۇرسۇلتان نازارباەۆ گەننادي زەنچەنكو وزىنە ەكى رەت حات جازعانىن, ول حاتتاردا قازاقستاندىقتاردىڭ تاۋەلسىزدىك العان 25 جىل ىشىندەگى ءومىرى كورىنىس تاپقانىن ايتقان بولاتىن.