قازاقستان تاۋەلسىزدىگىنىڭ 25 جىلدىق مەرەكەسى قارساڭىندا ەلوردادان «استانا-قاراعاندى» جانە «استانا-كوكشەتاۋ» باعىتتارى بويىنشا جايلىلىعى جوعارى ەكى جاڭا ەلەكترلى پويىزدار ساپارعا اتتاندى, دەپ حابارلايدى «قازاقستان تەمىر جولى» ۇك» اق ءباسپاسوز قىزمەتى.
ەلەكترلى پويىزدار الەمدىك قالا ماڭى ستاندارتىنا تولىعىمەن سايكەس كەلەدى. سونىمەن قاتار ولار كەدەندىك وداقتىڭ تەحنيكالىق رەگلامەنتىنە دە ساي. جاڭا قۇرامدا جولاۋشىلارعا بارلىق جاعداي جاسالعان: ىڭعايلى جۇمساق كرەسلو, ءپاسسيۆتى قاۋىپسىز كرەش-جۇيە, Wi-Fi بازاسىنداعى اقپاراتتىق-ويىن-ساۋىق پورتالى (جولاۋشىلارعا جالپى اقپاراتتى كورۋ مۇمكىندىگى بەرىلەدى, سونىمەن قاتار كوڭىل كوتەرەتىن فيلمدەر مەن ويىندار) دەرەكتەمەلەردى تىركەپ وتىراتىن سالوندار مەن تامبۋرلاردىڭ بەينەباقىلاۋ جۇيەسى, قازاق, ورىس جانە اعىلشىن تىلىندە جول ءجۇرۋ پارامەترى تۋرالى اقپاراتى بار «جۇگىرتپە جول» اقپاراتتىق تابلوسى جانە تاعى دا باسقالارى. سونىمەن قاتار مۇمكىندىگى شەكتەلگەن جولاۋشىلار ۆاگونعا وتىرۋ ءۇشىن ماماندىرىلعان كوتەرگىش, قاۋىپسىزدىك بەلبەۋمەن, جەڭىل اربانى بەكىتۋگە ارنالعان قۇرىلعى جانە جولسەرىكتى شاقىرۋ ءۇشىن جەكە باتىرماسىمەن قامتاماسىز ەتىلگەن مۇگەدەكتەر ءۇشىن جەكە ورىندار, مۇگەدەك ارباسىن جىلجىتۋ مۇمكىندىگى ءۇشىن ەسىگى كەڭ الاڭى ۇلعايتىلعان ەكولوگيالىق تازا دارەتحانا كەشەنى بار.
استانادان قاراعاندىعا شىققان ەلەكترلى پويىزدىڭ جول بويىندا 3 ايالداماسى بار, ولار ۆيشنەۆكا, وساكاروۆكا, قاراعاندى-سۇرىپتاۋ ستانتسيالارى. استانادان-كوكشەتاۋ ەلەكترلى پويىزىنىڭ جولىندا 3 ايالداماسى بار, ولار اقكول, ماكينكا, كۋرورت-بۋراباي ستانتسيالارى. ەلەكترلى پويىز قۇرامىندا 2 ۆاگون ءبىرىنشى كلاستى, 2 ۆاگون ەكىنشى كلاستى جانە 2 ۆاگون ءۇشىنشى كلاسقا جاتادى.