تۇركيا پرەزيدەنتى رەجەپ تايىپ ەردوعان كايسەريدەگى جارىلىسقا كۇردىستان جۇمىسشىلار پارتياسى جاۋاپتى ەكەندىگىن ايتتى, دەپ حابارلايدى ريا نوۆوستي.
"سەپاراتيستىك لاڭكەستىك ۇيىم (كۇردىستان جۇمىسشىلار پارتياسى) بۇل جارىلىسقا جاۋاپتى. ونىڭ بارلىق مۇمكىندىكتەرى بار. بۇل تەراكت سيريا مەن يراكتاعى جاعدايلاردان تاۋەلسىز ەمەس. تۇركيا بىرنەشە لاڭكەستىك توپتاردىڭ سوققىسىنا ۇشىرادى", دەلىنگەن ماتىندە.
سونىمەن قاتار ەردوعان تۇركيا لاڭكەستىككە قارسى كۇرەستى توقتاتپايتىنىن ايتتى.
ەستەرىڭىزگە سالا كەتەيىك, كەشە اسكەريلەر وتىرعان اۆتوبۋستىڭ قاسىندا جەڭىل اۆتوكولىك جارىلعان بولاتىن. مەملەكەتتىڭ باس شتابى ەڭ از دەگەندە 13 ادام قازا تاۋىپ, 48 ادام جاراقات العانىن ايتتى.
كەشە تۇركيانىڭ پرەمەر-ءمينيسترى بينالي يىلدىرىم جارىلىستى جانكەشتى-سودىر ۇيىمداستىرعانىن ايتتى. "بۇگىن اسكەريلەردى تاسىمالدايتىن اۆتوبۋسقا شابۋىل جاسالىپ, جارىلىستى ۇيىمداستىرۋعا جانكەشتى-سودىر پايدالانىلعان", دەلىنگەن Sabah اگەنتتىنىڭ مالىمەتىندە.