سەناتتىڭ حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى قۋانىش سۇلتانوۆ قحر ءحوبج تۇراقتى كوميتەتى باس حاتشىسىنىڭ ورىنباسارى تساو ۆەيچجوۋمەن كەزدەستى, دەپ حابارلادى پارلامەنت سەناتىنىڭ ءباسپاسوز قىزمەتى.
حالىق وكىلدەرىنىڭ بۇكىلقىتاي جينالىسى تۇراقتى كوميتەتىنىڭ توراعاسى ۋ بانگونىڭ قازاقستانعا العاشقى رەسمي ساپارىنا ازىرلىك اياسىندا ءوتىپ وتىرعان كەزدەسۋدە قازاقستان مەن قىتايدىڭ ەكىجاقتى قاتىناستارىن ودان ءارى نىعايتۋ ماسەلەلەرى بويىنشا پىكىر الماسىلدى. ق.سۇلتانوۆ اتاپ وتكەندەي, قازاقستان مەن قىتايدى ءداستۇرلى دوستىق جانە تاتۋ كورشىلىك قاتىناستار بايلانىستىرادى, ەكى مەملەكەت اراسىنداعى ستراتەگيالىق ىنتىماقتاستىقتىڭ بارلىق سالالارى تابىستى بولىپ كەلەدى.
كەزدەسۋ بارىسىندا تاراپتار تاتۋ كورشىلەس ەكى ەلدىڭ ستراتەگيالىق ارىپتەستىگىن دامىتۋداعى قازاقستان باسشىسى ن.نازارباەۆ پەن قىتاي باسشىسى حۋ تسزينتاونىڭ اۋقىمدى ۇلەسىن اتاپ ءوتتى.
تس.ۆەيچجوۋ ايتقانداي, «ءحوبج توراعاسى ۋ بانگونىڭ دوس جانە قوناقجاي ەلگە ساپارىنا قىتاي ۇكىمەتى زور ماڭىز بەرەدى».