قازاقستان xالقى اسسامبلەياسى توراعاسىنىڭ ورىنباسارى ەرالى توعجانوۆتىڭ ويىنشا, العاشقى كۇندەردەن باستاپ ۇلتارالىق كەلىسىم ماسەلەسىن قولعا الۋدىڭ ارقاسىندا قازاقستاننىڭ تاۋەلسىزدىگى نىعايا ءتۇستى, دەپ xابارلايدى قازاقپارات.
"تاۋەلسىزدىك - بۇل ەڭ الدىمەن ءبىرىنشى كۇندەردەن باستاپ قولعا الىنعان بەيبىتشىلىك ساياساتىنىڭ ناتيجەسى. ال سول بەيبىتشىلىك ساياساتىنىڭ نەگىزىندە قوعامدىق بىرلىك پەن كەلىسىم جاتىر. بەيبىتشىلىك ساياساتى ءاربىر ازاماتتىڭ ءبىر-بىرىنە دەگەن سەنىمىنەن تۇرادى. مىنە, وسى سەنىمنىڭ ارقاسىندا دوستىق بولادى, مەملەكەتتىڭ ءوزى نىعايادى. ءتۇپتىڭ تۇبىندە تاۋەلسىزدىگىمىز كۇشەيە تۇسەدى. سونى ءبىز العاشقى كۇننەن باستاپ جاساي الدىق. ەلباسى ۇلتارالىق ساياساتقا, سونىڭ ىشىندە قوعامدىق كەلىسىم ساياساتىنا باسا نازار اۋدارىپ, كۇن ءتارتىبىنىڭ باستى ماسەلەسى رەتىندە بەلگىلەدى. ول ءوز كەزەگىندە الەۋمەتتىك, ساياسي-ەكونوميكالىق, جالپى تۇراقتىلىق ماسەلەلەرىن شەشۋگە نەگىز بولدى. سوندىقتان ءبىر جارىم جىلدىڭ ىشىندە قازاقستانعا 27 ەلدىڭ وكىلدەرى كەلىپ, ۇلتارالىق كەلىسىم سالاسىندا ءوزارا تاجىريبە الماسۋعا نيەت بىلدىرسە, ەلىمىزدىڭ وسكەندىگى, رۋxىمىزدىڭ كوتەرىلگەندىگى, تۋىمىزدىڭ جەلبىرەگەندىگى بولسا كەرەك. ءوز اتىمنان بارشا قازاقستاندىقتاردى تاۋەلسىزدىك كۇنىمەن شىن جۇرەكتەن قۇتتىقتايمىن. تۋىمىز بيىكتەي بەرسىن!" - دەدى ە.توعجانوۆ.