الماتىداعى دزيۋدو اكادەمياسىندا حالىقارالىق دزيۋدو فەدەراتسياسىنىڭ ارنايى وكىلىنىڭ قاتىسۋىمەن جاتتىقتىرۋشىلارعا ارنالعان سەمينار ءوتىپ جاتىر. سەمينارعا ەلىمىزدىڭ تۇكپىر-تۇكپىرىنەن كەلگەن جاتتىقتىرۋشىلار قاتىسىپ, بىلىكتىلىگىن شىڭداۋدا. اۆستريادان كەلگەن IJF وكىلىنە شاكىرت بولىپ جۇرگەن جاتتىقتىرۋشىلارىمىز سەميناردىڭ العاشقى كۇنىندە العان اسەرلەرىن جاسىرمادى. "دەڭگەيى جوعارى سەمينار جاتتىقتىرۋشىلاردىڭ بىلىكتىلىگىن ارتتىرىپ قانا قويماي, ەلىمىزدە دزيۋدونىڭ دامي تۇسۋىنە سۇبەلى ۇلەس قوسادى", - دەيدى ماڭعىستاۋ وبلىسىنان كەلگەن بىلىكتى باپكەر, ماڭعىستاۋ وبلىسىندا ورنالاسقان "جاستار" بالالار-جاسوسپىرىمدەر سپورت مەكتەبىنىڭ ديرەكتورى.
ماناربەك بيسەكەنوۆ, جاتتىقتىرۋشى (ماڭعىستاۋ وبلىسى):
- شەت ەلدىك ماماننىڭ قاتىسۋىمەن ەلىمىزدە دزيۋدودان جاتتىقتىرۋشىلارعا ارنالعان ماڭىزى ەرەكشە سەمينارعا قاتىسىپ جاتقانىما قۋانىشتىمىن. حالىقارالىق دزيۋدو فەدەراتسياسىنان ارنايى وكىلدەرى كەلىپ, ەلىمىزدە دزيۋدونىڭ دامۋىنا ۇلەس قوسىپ جاتقانى, ءبىزدى نازاردان تىس قالدىرماعانى كوڭىل قۋانتادى. ارينە, اۋەلى سەمينارعا قاتىسىپ, بىلىكتىلىگىمىزدى ارتتىرۋعا مۇمكىندىك بەرگەن فەدەراتسيا باسشىلىعىنا العىسىمىزدى بىلدىرەمىز. بۇل – مەرەكە قارساڭىندا جاتتىقتىرۋشىلارعا جاسالعان ۇلكەن سىي.
ال داني ءدجوردجتىڭ بىزگە ۇيرەتىپ جاتقان ءادىس-تاسىلدەرى بىزگە جات. ياعني وسى كۇنگە دەيىن ءبىز قولدانباعان دۇنيەنى ۇيرەنىپ, دزيۋدو تەحنيكاسىنىڭ ءبىز بىلمەيتىن قىرلارىمەن تانىسۋدامىز. وسى جەردەن ۇيرەنگەندەرىمىزدى شاكىرتتەرىمىزگە ۇيرەتىپ, ءبىز جەتپەگەن, ءبىز باعىندىرماعان بەلەستى باعىندىرۋلارىنا سەبەپشى بولساق دەيمىز. سونداي-اق, جاقىندا دزيۋدو ەرەجەلەرىنە وزگەرىستەر ەنگىزىلمەك. ءبىز IJF وكىلىنىڭ ارقاسىندا ەرەجەگە ەنگىزىلەتىن وزگەرىستەرمەن تانىسىپ, پراكتيكالىق تۇرعىدا دايىندالىپ جاتىرمىز. سەمينار ەندى باستالعاندىقتان ۇيرەنەرىمىز ءالى دە كوپ دەپ ويلايمىن, - دەدى.
ەستەرىڭىزگە سالا كەتسەك, جاتتىقتىرۋشىلارعا ارنالعان تەحنيكالىق سەمينار 14-19 جەلتوقسان ارالىعىندا الماتى قالاسىنداعى دزيۋدو اكادەمياسىندا وتۋدە. جاتتىقتىرۋشىلارعا ارنالعان ارنايى تەحنيكالىق سەمينار حالىقارالىق وليمپيادا كوميتەتىنىڭ ەرەجەسىنە سايكەس قازاقستان ۇلتتىق وليمپيادا كوميتەتى مەن قازاقستان دزيۋدو فەدەراتسياسى ۇيىمداستىردى.