مەكتەپ – كەمە, ءبىلىم – تەڭىز

1 قىركۇيەك – ءبىلىم كۇنى مەكتەپ – كەمە, ءبىلىم – تەڭىز                                 قاسىم امانجولوۆ مەملەكەتتىگىمىزدىڭ تۇعى­رىن بەكىتىپ, الداعى باعىت-باعدارىن, كەمەل كە­لە­شە­گىن دايەكتەپ بەرگەن ەلباسى نۇر­­سۇلتان نازارباەۆ «ءبىز قازاق­ستان­­دى الەمدىك دەڭ­گەيدەگى ءبىلىم ورتا­ل­ىعىنا اينالدى­رۋى­مىز كەرەك» دەگەن ەدى. ءبىلىم مەن بىلىگى, ساۋاتى مەن سا­­نا­سى بيىكتەن تابىلعان ەل­دەر­دىڭ ءورى­سى كەڭ, وركەنى مىق­تى بولا­تىنىن كو­رىپ, ءبىلىپ وتىرمىز. مەملەكەت باس­شى­­سى وسىنى باسشىلىققا الىپ, تاۋەلسىزدىكتىڭ ال­عاش­قى جىلدارى­نان باس­تاپ-اق وقۋ ىسىنە ەرەكشە كوڭىل اۋدا­­رىپ, قيىن تۇستاردا دا قارجىدان قىس­قان جوق. سونىڭ ناتيجەسىندە, وتانى­مىز­داعى سان-سالالى ءبىلىم جۇيەسى الەم­دىك ستاندارتقا ساي دامىپ كەلەدى. مىنە, ۇلت ءۇشىن مەرەكەلەردىڭ مەرەكەسى, قازاق ەلى ءۇشىن قاسيەتى دە, قادىرى بولەك تاۋەل­سىزدىگىمىزدىڭ 20 جىلدىعىن اتاپ وتەتىن تۇستا جاڭا وقۋ جىلىن قارسى الىپ وتىر­­مىز. تاياۋدا وتكەن مۇعالىمدەر فو­رۋمىن­­دا ءبىلىم جانە عىلىم ءمينيسترى باقىت­جان جۇماعۇلوۆ ەل ءبىلىمىنىڭ بۇگىنى مەن بولاشاعى تۋرالى جان-جاقتى بايانداعان بولاتىن. ەڭ باس­تىسى, الداعى ونجىلدىقتا ءتۇ­بەگەيلى جاڭا ءبىلىم ساپا­سى­نا قول جەتكىزۋ كەرەكتىگىن, «ادام­­نىڭ ادامشى­لى­عى جاق­سى ۇستازدان بولادى» دەپ ۇلى اباي ايتقانداي, بۇل تىكەلەي مۇعا­لىم­دەرگە قاتىستى دەگەن. ال­دا­عى بەس جىلدا 120 مىڭ مۇعالىم قايتا دايىندىقتان وتەتىنىن, سو­نىڭ ناتيجەسىندە, جاڭا بىلىكتىلىك تۋرالى سەرتيفيكاتتار بەرىلەتىنىن تىلگە تيەك ەتكەن. سول سەكىلدى ءبىلىم بەرۋ قىزمەتىنىڭ ساپاسىن باقى­لاۋ, 12 جىلدىق وقىتۋعا كو­شۋ, الداعى جىلدارى سالىنا­تىن مەكتەپ عي­ما­راتتارى, جو­عارى وقۋ ورىن­دا­رى, تەحنيكا­لىق جانە كاسىپتىك ءبىلىم سا­پا­سى جايلى دا وي وربىتكەن ەدى. ءبىز بۇگىن ءبىلىم كۇنىنە وراي, ءارالۋان تاقىرىپ­تارداعى ما­قا­لالار توپتاماسىمەن, وتان­دىق ءبىلىم بەرۋ ءىسىنىڭ دامۋ بارىسى تۋرالى دەرەكتەردى وقىر­ماندارعا ۇسىنىپ وتىرمىز. * * * دەرەك پەن دايەك بيىلعى 1 شىلدەدەن باستاپ مۇعالىمدەردىڭ ەڭبەك­اقى­سى 30 پايىزعا وسسە, 1 قىركۇيەكتەن جوعارى كا­تە­گو­ريالارى بار مۇعالىمدەر بىلىكتىلىگى ءۇشىن لاۋازىمدىق جالاقىسىنا 100 پايىز كو­لەمدە قوسىمشا اقى الاتىن بولادى. بۇعان بيۋدجەتتەن 5,3 ميلليارد تەڭگە بولىنگەن. *   *   * ەلىمىز بويىنشا جاڭا وقۋ جىلىندا مەكتەپتەردە 279,4 مىڭعا جۋىق پەداگوگ جۇمىس باستايدى. پەداگوگ كادرلارعا قاجەتتىلىك 2714 ادامدى قۇ­راي­­دى ەكەن. اسىرەسە الماتى, اقتوبە, شىعىس قازاقستان وب­­لىستارىنىڭ مەكتەپتەرىندە ما­مان تاپشىلىعى سەزىلۋدە. *   *   * ءبىلىم كۇنى وتانىمىز بوي­ىنشا 2,5 ميلليوننان استام وقۋشىعا 7741 مەكتەپ ەسىگىن اشادى. ءبىرىنشى سىنىپقا 260 مىڭ بالا بارادى. *   *   * قازىر ەلىمىزدە 6960 مەكتەپكە دەيىنگى ۇيىم بولسا, ونىڭ 2483-ءى بالاباقشا, 4477-ءسى شاعىن ورتالىقتار ەكەن. وندا 480 مىڭ بالا تاربيەلەنۋدە. *   *   * تاۋەلسىزدىك جىلدارى ىشىندە وتانىمىزدا 780 مەكتەپ پايدالانۋعا بەرىلىپ, 4 اۋى­سىم­­مەن ساباق بەرۋ مۇلدە توق­تاپ, 3 اۋىسىمدى مەكتەپ­تەر 76 بىرلىككە قىسقارعان. «100 مەكتەپ» جوباسى بوي­ىن­شا 104 مەكتەپ سالىنىپ, پاي­دا­لانۋعا بەرىلگەن. *   *   * قازىر ەلىمىزدە «نازارباەۆ زياتكەرلىك مەكتەپتەرى» مەن «نازارباەۆ ۋنيۆەرسيتەتى» وتان­دىق مەكتەپتەر مەن جو­عارى وقۋ ورىندارىنىڭ ءۇل­گىسىنە اينالىپ, الەمدىك ستان­دارتقا ساي قىزمەت كور­سە­تۋ­دە. بۇگىندە ەلىمىز بويىنشا 6 زياتكەرلىك مەكتەپ جۇمىس ىستەپ جاتىر. وندا فيزيكا-ماتەماتيكا, حيميا-بيولوگيا باعىتى بويىنشا 3700-دەن اسا وقۋشى ءبىلىم الۋدا. *   *   * ەلىمىز بويىنشا 4,5 ميلليون ادام ءبىلىم الۋدا. ولارعا 414,5 مىڭ پەداگوگ ءدارىس وقىپ, تاربيە بەرۋدە. *   *   * ەلباسىنىڭ تاپسىرماسى بويىنشا, «جاس ۇلان» جانە «جاس قىران» ۇيىمدارى قۇ­رىل­دى. «جاس قىران» كىشى بۋى­نىنا 1-4 سىنىپ, ال «جاس ۇلان» ۇيىمىنا 5-9 سىنىپ وقۋ­شىلارى كىرەدى. بۇل ۇي­ىم­دارعا قابىلداۋ سالتاناتى 1 قىركۇيەك كۇنى بولادى. *   *   * «ديپلوممەن – اۋىلعا» جو­­باسىنىڭ شەڭبەرىندە 12 مىڭ مامان ەلىمىزدەگى اۋىل­دىق مەكەندەردە جۇمىس ىستەۋگە بەل بۋعان. ولاردىڭ 2 مىڭ­­­­­­نان استامى تۇرعىن ءۇي الۋ ءۇشىن 1,9 ملرد. تەڭگە كو­لە­مىن­دە پايىزسىز نەسيە العان. ___________________________ تالپىنىس باردا تابىس بار جاڭا باستالعالى وتىرعان وقۋ جىلى ەل ومىرىندەگى ماڭىزدى وقيعا – «2011 جىلدى قازاقستان رەسپۋبليكاسى تاۋەلسىزدىگىنىڭ 20 جىلدىعى» دەپ جاريالاعان تاريحي كەزەڭمەن تۇسپا-تۇس كەلىپ وتىر. ەلىمىزدىڭ دامۋ باعىتى مەن كەلەشەگىنىڭ كوكجيەگىن كورە بىلگەن ەلباسىمىز ن.ءا. نا­­زار­باەۆتىڭ باستاماسىمەن قابىلدانعان سترا­تەگيالىق باعدارلامالار قازاق ەلى باتىس پەن شىعىستىڭ باسىن قوسقان ىرگەلى وركەنيەت ورتالىعىنا اينالعانىن ەرەكشە ماقتان ەتەمىز. تاۋەلسىز ەلىمىزدىڭ بولاشاعى – بۇگىنگى مەك­تەپ وقۋشىلارى دەسەك, پرەزيدەنت جىل سايىنعى قازاقستان حالقىنا جولداعان جول­داۋلارىندا ءبىلىم بەرۋ ماسەلەسىنە ەرەكشە باسىمدىقتار بەرىپ, «ساپالى ءبىلىم بەرۋ – قازاقستاننىڭ يندۋستريالىق-يننوۆاتسيالىق دامۋىنىڭ نەگىزى» ەكەندىگىن اتاپ كورسەتتى. وسىنداي يگى ماقساتتاردى جۇزەگە اسىرۋ ءۇشىن قابىلدانعان «قازاقستان رەسپۋب­لي­كا­سىن­دا ءبىلىم بەرۋدى دامىتۋدىڭ 2011-2020 جىل­دارعا ارنالعان مەملەكەتتىك باعدارلا­ما­سىن» ورىنداۋ – ءبىلىم بەرۋ جۇيەسىن دامى­تۋدىڭ شەشۋشى كەزەڭى بولماق. وتكەن وقۋ جىلىندا ۇكىمەت پەن وبلىس اكىم­دىگىنىڭ تىكەلەي قولداۋى جانە قامقور­لىعىمەن ءبىلىم مەكەمەلەرىنىڭ ماتەريالدىق-تەحنيكالىق بازاسى جاقساردى, 4 مەكتەپتىڭ جاڭا عيماراتى سالىنىپ, پايدالانۋعا بەرىلدى. بيىلعى وقۋ جىلىندا 3 ءبىلىم ۇياسىنىڭ جاڭا ءۇيى بوي كوتەرىپ, 2 مەكتەپتە قوسىمشا سىنىپ بولمەلەرى وقۋشىلارعا ەسىك اشتى. 2011 جىلى جەرگىلىكتى بيۋدجەت ەسەبىنەن 40 ءبىلىم نىسانىنىڭ كۇردەلى جوندەۋ جۇمىس­تا­رىنا 1 ملرد. 866 ملن. 616 مىڭ تەڭگە ءبولىن­­گەن. ونىڭ ىشىندە 27 مەكتەپتىڭ كۇردەلى ءجون­دەۋ جۇ­مىستارىنا 1 ملرد. 64 ملن. 942 مىڭ تەڭگە قاراستىرىلىپ, 6 مەكتەپتىڭ شاتىرى, 13 مەك­تەپتىڭ جىلۋ جۇيەسى, 1 مەكتەپتىڭ سپورت زالى, 6 مەكتەپتىڭ عيماراتى, 1 مەكتەپتىڭ ەلەكتر جۇيەسى كۇردەلى جوندەۋدەن ءوتتى. سونداي-اق, 373 ملن. 567 مىڭ تەڭگەگە 202 ءبىلىم نىسا­نى­نا, ونىڭ ىشىندە 159 مەكتەپكە اعىمداعى ءجون­دەۋ جۇمىستارى جۇرگىزىلدى. وتكەن وقۋ جى­لىندا 60 وقۋشىمىز ءتۇرلى رەسپۋبليكالىق, حالىقارالىق ءبىلىم, سپورت, ونەر بايقاۋ­لا­رىن­دا جۇلدەگەر اتانىپ, 86 مەدالدى يەلەنىپ, وبلىس ابىرويىن اسقاقتاتتى. رەسپۋبليكالىق ءپان وليمپياداسىندا وبلىس كومانداسى ءجۇل­دە­لى 2-ءشى ورىندى جەڭىپ الىپ, ەلىمىزدەگى «ەڭ ۇزدىك كوماندا» دەپ تانىلدى. دارىندى ەر بالالارعا ارنالعان قازاق-تۇرىك مەكتەپ-ين­تەر­­ناتى مەن وبلىستىق «دارىن» مەكتەپ-ين­تەرناتى «ەڭ ۇزدىك وليمپيادا» مەكتەبى اتان­دى. وتاندىق عىلىمي جوبا جارىسىندا كو­ماندالىق ەسەپتە 3-ءشى جۇلدەلى ورىنعا قول جەتكىزدىك. جىل وتكەن سايىن دارىندى ءشا­كىرت­تەرىمىزدىڭ حالىقارالىق, الەم وليمپيادا­لارى مەن عىلىمي جارىستارداعى جەتىستىكتەرى ارتا تۇسۋدە. بىلتىر ءدۇبىرلى جارىستاردا 18 مەدالدى يەلەنسەك, بيىلعى جىلدىڭ 7 ايىندا ول كورسەتكىش 19 مەدالگە جەتتى. دارىندى شاكىرتتەرىمىزدىڭ بۇل ەڭبەگىن ەرەكشە اتاپ وتكىم كەلەدى. اسىرەسە, تۇركيانىڭ انكارا قالاسىندا حيميا پانىنەن وتكەن الەم­دىك وليمپيادادان التىن مەدالمەن ورال­عان 11 سىنىپ وقۋشىسى ابىلاي شاحيزاداەۆ, فيزيكا پانىنەن تايلاندتا بولعان حالىقا­را­لىق وليمپيادانىڭ التىن مەدالىنىڭ يەگەرلەرى قاي­ساربەك ومىرزاقوۆ پەن نۇرجاس ايدىنوۆ, بيولوگيا پانىنەن تايۆاندا وتكەن حالىق­ارا­لىق وليمپيادانىڭ قولا جۇلدەگەرى ەرنار تۇرسىنباي, شاحماتتان پولشادا وتكەن الەم چەمپيوناتىنىڭ جۇلدەگەرى, 3-ءشى سىنىپ وقۋشىسى انەل التايبەك وبلىس ابىرويىن اسقاقتاتسا, جاس مۋزىكانتتاردىڭ رەسپۋبلي­كالىق 45-ءشى بايقاۋىندا ايا گابباسوۆانىڭ باس جۇلدەنى الۋى ۇستازدار ەڭبەگىنىڭ اقتال­عانى دەپ بىلەمىن. دارىندى شاكىرتتى تالانت­تى ۇستاز تاربيەلەيدى دەسەك, سونداي ۇستازدار قاتارىندا ن.ۆولودكو, م.ورىنباەۆا, م.ايتباەۆا, ت.ب. بار مەكتەپكە دەيىنگى تاربيە مەن وقىتۋ ءبىلىم سالاسىنىڭ ەڭ باستى باعىتتارىنىڭ ءبىرى ەكەنى بەلگىلى. 2010 جىلدىڭ مامىر ايىندا قابىل­دان­عان «بالاپان» مەملەكەتتىك باعدار­لا­ماسى اياسىندا 6870 بالا مەكتەپكە دەيىنگى ءتار­بيەمەن قامتىلدى. جىل باسىندا تاراز قا­لاسى «استانا» شاعىن اۋدانىنان 280 ورىن­دىق جاڭا بالاباقشا قۇرىلىسى سالىنىپ, پاي­­دالانۋعا بەرىلسە, ۇستىمىزدەگى جىلى قور­داي, مەركى اۋداندارىندا 2 بالاباقشانىڭ قۇرىلىسى جۇرگىزىلىپ, وبلىستىق بيۋدجەت ەسەبىنەن 286 ملن. تەڭگەگە 1630 ورىندىق 14 با­لاباقشا عيماراتتارى سالىنىپ, 6 بالا­باق­شاعا كۇردەلى جوندەۋ جۇمىستارى اتقارىلدى. وقۋشىلاردىڭ جازعى دەمالىسى دا جاقسى ءوتتى دەۋگە بولادى. بۇل سالاعا 2010 جىلى  362,0 ملن. تەڭگە قاراستىرىلسا, 2011 جىلى  480659,0 ملن. تەڭگە ءبولىندى. جاسوسپىرىمدەردىڭ ساباقتان بوس ۋاقىتىن ءتيىمدى پايدالانۋ بۇگىنگى كۇنى ەڭ وزەكتى ماسەلەلەرىنىڭ ءبىرى. مەكتەپتەن تىس مەكەمەلەردە 20720 بالا قوسىمشا ءبىلىم السا, 32 بالالار مەن جاسوسپىرىمدەر سپورت مەكتەپتەرىندە 14591 ۇل مەن قىز سپورتپەن اينالىسۋدا. «ۇستاز بولۋ – ءوز ۋاقىتىڭدى اياماۋ, باس­قانىڭ باقىتىن ايالاۋ» دەيدى جان-جاك رۋسسو. سول ۇستاز مارتەبەسىن كوتەرۋ ۇلكەن مىندەت. بۇل ورايدا, ەلباسىنىڭ ەرەكشە قولداۋىمەن مۇعالىمدەر ايلىعى جىل سايىن ءوسىپ وتىر. ەندىگى جەردە ۇستاز بىلىكتىلىگىنە قاراي بازا­لىق لاۋازىمدىق جالاقىسىنا قوسىمشا اقى تولەنەدى. بۇل ايتۋلى قامقورلىق دەپ بىلەمىز. قامقورلىققا ساي قىزمەت ەتۋ بارىمىزگە پارىز. سۇلۋشاش قۇرمانبەكوۆا, جامبىل وبلىسى ءبىلىم باسقارماسىنىڭ باستىعى. * * * راحمەت! ءبىر جولى ەلباسى نۇرسۇلتان نازارباەۆ: «ءبىز مۇعالىم ماماندىعىنىڭ بەدەلى مەن ابىرويىن قايتارۋعا مىندەتتىمىز» دەگەن ەدى. مەملەكەت باسشىسى قانداي قيىن كەزەڭدەردە دە توزىمدىلىك تانىتىپ, ەلدىڭ بولاشاعى سانالاتىن جاس ۇرپاققا ءبىلىم بەرىپ, تاربيە ۇيرەتىپ جۇرگەن ۇستازدار قاۋىمىنىڭ بەدەلىن ارتتىرىپ, ابىرويىن اسىرۋ جولىنداعى يگىلىكتى ىستەرگە ءوزى تىكەلەي ۇيىتقى بولۋمەن كەلەدى. سونىڭ ءبىر دالەلى مۇعالىمدەر ايلىعىن جىل سايىن ءوسىرىپ وتىرۋى دەر ەدىك. بيىل دا سول ءۇردىس جالعاسىن تاپتى. 1 شىلدەدەن باستاپ ۇستازداردىڭ جالاقىسى 30 پايىزعا كوتەرىلسە, 1 قىركۇيەكتەن مۇعالىمدەر مەن تەحنيكالىق جانە كاسىپتىك ۇيىم شەبەرلەرىنىڭ بىلىكتىلىگىنە قاراي بازالىق لاۋازىمدىق جالاقىسى 100 پايىزعا كوبەيتىلدى. وسىنى جوعارى كوڭىل كۇيمەن قابىلداعان وتانىمىزدىڭ مۇعالىمدەرى بۇل ەلباسىنىڭ جۇرگىزىپ وتىرعان ساياساتىنىڭ جەمىسى دەپ باعالاپ, وزدەرىنىڭ ءىلتيپاتتارىن بىلدىرۋدە. بۇل – ۇستاز ەڭبەگىن باعالاۋ ۇلى جازۋشى مۇحتار اۋەزوۆ «ۇستازدىق – ۇلى نارسە» دەپ ەدى. شىنىندا, اتا-انامەن قاتار ءجۇرىپ, ۇرپاق تاربيەلەۋ وڭاي بولماسا كەرەك. مۇنى مەن بۇكىل سانالى عۇمىرىمدى ۇستازدىق قىزمەتكە ارنا­عاندىقتان جاقسى بىلەمىن. ءبىز ءبىر كەزدەرى كەڭەستىك كەڭىستىكتە ءومىر سۇردىك. كسرو-نى وتانىمىز دەدىك. ماسكەۋگە بارساق, سونى مارتەبە سانادىق. قازىر, تاۋبە, تاۋەلسىزدىكتىڭ ارقاسىندا تورتكۇل دۇنيەنى شارلاپ ءجۇرمىز. قازاقتى, قازاق ەلىنىڭ ەلباسى نۇرسۇلتان نازار­باەۆ­تى الەم تانىدى. ازۋىن ايعا بىلەگەندەرمەن يىعىمىز تەڭەسىپ, ءسوزىمىز جاراسىپ كەلەدى. مەن وسىلاردى ايتا وتىرىپ, انا ءبىر جىلدارداعى قيىندىق كەزىندە مۇعالىم بەدەلىنىڭ ءتۇسىپ كەتكەنىن, ەندى سونى قال­پى­نا كەلتىرۋ ىسىندە اتقارىلىپ جاتقان جۇمىستارعا ءدان ريزالىعىمدى, وعان پرەزيدەنتتىڭ باستاماشى بولىپ وتىرعانىن جەتكىزگىم كەلەدى. مىنە, ءبىر جىلدىڭ ىشىندە ايلىعىمىز ەكى رەت ءوسىپ وتىر. بۇعان تاعى ءبىر قوسارىم, جاڭادان قابىلدانعان مەملەكەتتىك ءبىلىم باعدار­لا­ماسىندا كورسەتىلگەندەي, 2015 جىلعا قاراي پەداگوگتاردىڭ ورتاشا جالاقىسىن جەكە سەكتورداعى ەڭبەكاقىعا تەڭەستىرۋ كوزدەلگەن. بۇل قازىرگىمەن سالىستىرعاندا ەكى نەمەسە ءۇش ەسەگە وسەدى دەگەندى بىلدىرەدى. ال مىنا 100 پايىزدىق ۇستەمە سونىڭ باستاماسى دەپ ەسەپتەيمىن. قانيپا بىتىباەۆا, كسرو مەملەكەتتىك سىيلىعىنىڭ لاۋرەاتى, قازاقستاننىڭ ەڭبەك سىڭىرگەن مۇعالىمى. شىعىس قازاقستان وبلىسى. * * * ەلوردالىقتار دا ءدان ريزا شاعىن عانا ەلدى مەكەندەي قالانىڭ اۋماعىنان استانا تۇرعىزىپ, الەم جۇرتشىلىعىنا تانىلعان وتانىمىزدىڭ ەلدىك جولىنداعى قول جەتكەن جەتىستىكتەرى ەلباسىنىڭ سارابدال ساياساتىنىڭ جەمىسى دەر ەدىم. ءبىر كەزدەرى اقمولادا ساناۋلى عانا مەكتەپتەر بولسا, قازىر ءبىلىم ۇيالارى 70-كە تاياپ قالدى. قازاق مەكتەبى جالعىز ەدى. ول دا كوبەيدى. تاۋەلسىز ەلىمىزدىڭ, ەلوردانىڭ گۇلدەنۋىنە, جاس ۇرپاقتىڭ سانالى دا ساليقالى بولىپ وسۋىنە وزدەرىنىڭ ۇلەسىن قوسىپ جۇرگەن مۇعالىمدەر پرەزيدەنتتىڭ تىكەلەي تاپسىرماسىمەن 1 قىركۇيەكتەن باستاپ جوعارى ساناتتى ۇستازدار قاۋىمىنىڭ ايلىعى 100 پايىز وسەتىنىن ەرەكشە قۋانىشپەن قابىلداپ وتىر. مۇنداي قامقورلىق مۇعالىمدەردىڭ ءال-اۋقاتىن كوتەرۋگە, وتباسىلىق جاعدايىن جاقسارتۋعا سەپتىگىن تيگىزەرى ءسوزسىز. مەن جەتەكشىلىك ەتىپ وتىرعان مەكتەپ ۇجىمىنىڭ وزات مۇ­عا­لىمدەرى قازىر قوسىلاتىن ايلىققا قاجەت قۇجاتتارىن ازىرلەۋ ۇستىندە. ەربول ىسلام ۇلى, استانا قالاسىنداعى ءا.مارعۇلان اتىنداعى №40 قازاق ورتا مەكتەبىنىڭ ديرەكتورى. استانا. * * * بەينەتتىڭ زەينەتى دەپ بىلەمىز شاراپاتى مول ءىس كىمنىڭ دە بولسا كوڭىلىن مارقايتادى, مەرەيىن وسىرەدى, مارتەبەسىن ارتتىرادى. ەلباسىنىڭ اتقارىپ جاتقان جۇمىسىن ءبىز جاقسى بىلەمىز. جىل سايىن پرەزيدەنت ءوز جولداۋىندا ءبىلىم سالاسىنىڭ قىزمەتكەرلەرىنە ەرەكشە نازار اۋدارىپ, ايلىق ءوسىرۋ جونىندە ناقتى تاپسىرما بەرىپ, ونى ءتيىستى ورىندار بۇلجىتپاي اتقارتىپ كەلەدى. شىنى كەرەك, انا ءبىر جىلدارى مۇعالىم دەسە كوپ جۇرت ولقى كوزقاراسپەن قارايتىن ەدى. سونىڭ اسەرىنەن بە پەداگوگ بولۋعا تالپىنعان جاستار دا ازايىپ كەتكەن. قازىر ولاي ەمەس. الدىمىزدا ءبىلىم الىپ جۇرگەن شاكىرتتەرىمىزدىڭ اراسىنان ءىزىمىزدى باسىپ, ءىسىمىزدى جالعاستىرساق دەگەن ۇل مەن قىز شىعا باستادى. مۇنىڭ ءبارى مۇعالىم بەدەلىنىڭ ارتقانىن كورسەتەدى. ال كۇنى ەرتەڭنەن باستاپ بىلىكتى ۇستازداردىڭ ايلىعىنىڭ ءوسۋى بىزگە جاسالعان قامقورلىق قانا ەمەس, ۇرپاققا كورسەتىلگەن شاراپات دەپ بىلەمىن. بۇل ءۇشىن ءبىز مەملەكەت باسشىسىنا راحمەتىمىزدى ايتۋعا ءتيىستىمىز. جۇلدىز نۇرلىحانوۆا, جاڭا شامالعان كەنتىندەگى ى.التىنسارين اتىنداعى مەكتەپتىڭ مۇعالىمى. الماتى وبلىسى.