كەشە مەملەكەت باسشىسى نۇرسۇلتان نازارباەۆ قازاقستان رەسپۋبليكاسى كونستيتۋتسياسى كۇنىنە ارنالعان سالتاناتتى كونتسەرتكە قاتىستى, دەپ حابارلادى قازاقستان رەسپۋبليكاسى پرەزيدەنتىنىڭ باسپاسوز قىزمەتى.
كونتسەرت تاۋەلسىزدىك سارايىندا ءوتتى. وعان قازاقستاننىڭ بەلگىلى ونەر شەبەرلەرى – تاتتىمبەت اتىنداعى حالىق اسپاپتارى اكادەميالىق وركەسترىنىڭ مۋزىكانتتارى, ك.بايسەيىتوۆا اتىنداعى ۇلتتىق وپەرا جانە بالەت تەاترىنىڭ سيمفونيالىق وركەسترى, رەسپۋبليكالىق جانە حالىقارالىق كونكۋرستاردىڭ لاۋرەاتتارى, حالىق ءارتىسى الىبەك دىنىشەۆ جانە تاعى باسقالارى قاتىستى.