استانادا كوكتايعاق پەن جەل كۇشەيەدى دەپ كۇتىلۋدە, - دەپ حابارلايدى قالالىق تجد ءباسپاسوز قىزمەتى.
استانا قالاسىنىڭ تجد مالىمەتى بويىنشا, اقمولا وبلىسىنىڭ كوپ بولىگىندە دە 14-15 جەلتوقسان كۇندەرى وڭتۇستىك-باتىستان جىلدامدىعى سەكۋندىنا 15-20 مەترگە دەيىن جەتەتىن جەل ساقتالادى, جەل كۇشى سەكۋندىنا 23-28 مەترگە دەيىن جەتۋى مۇمكىن جانە كەي جەرلەردە بۇرقاسىن, كوكتايعاق بولادى.
"قۇرمەتتى اتا-انالار! ەرتەڭ استانادا كوكتايعاق قاتتى بولاتىن شىعار. بارلىق ۇيىمداردىڭ باسشىلارىنا ءوز اۋماعىندا قار مەن مۇزدى تازالاۋعا جانە تۇزدى-قۇم قوسپاسىن شاشۋعا ەرەكشە كوڭىل ءبولۋ تاپسىرىلدى. وسى كۇندەرى بالالار ىڭعايلى اياق كيىم كيىپ, ساق ءجۇرۋىن جانە اتا-انالارىمەن بىرگە ءجۇرۋىن قاداعالاۋعا تىرىسىڭىزدار. كوكتايعاق سەبەبىنەن مەكتەپتەگى ساباقتار توقتاتىلمايدى", - دەپ جازىپتى استانانىڭ ءبىلىم باسقارماسىنىڭ ءباسپاسوز حاتشىسى بوتاگوز ومار ءوزىنىڭ Facebook-تەگى پاراقشاسىنا.
ايتا كەتەيىك, استانادا بۇگىن اۋا تەمپەراتۋراسى بىردەن كوتەرىلىپ, جاڭبىر جاۋدى.