ەلىمىزدەگى 15-17 جەلتوقسانداعى اۋا-رايى وڭتۇستىكتەن كەلەتىن تسيكلونعا بايلانىستى بولادى, دەپ حابارلايدى قازگيدرومەت رمك.
«كەزەكتى وڭتۇستىك تسيكلون قازاقستان اۋماعىنا كەلۋگە دايىندالىپ جاتىر. ادەتتەگىدەي, قىسقى ۋاقىتتاعى بۇل تسيكلونمەن رەسپۋبليكانىڭ كوپ بولىگىندە اۋا تەمپەراتۋراسى تەك كۇرت كوتەرىلىپ قويمايدى, سونىمەن قاتار اۋا رايى دا بۇزىلادى», - دەلىنگەن حابارلامادا.
الداعى ءۇش تاۋلىكتە, رەسپۋبليكانىڭ باسىم بولىگىندە جاۋىن-شاشىن, قار, بۇرقاسىن, كوكتايعاق, كەي جەرلەردە كۇشى 18-25 م/س بولاتىن, داۋىلدى جەل كۇتىلۋدە.
تەك باتىستا عانا تەمپەراتۋراسى ادەتتەگىدەن 3-6 گرادۋس جوعارى, كۇن رايى اشىق بولادى دەپ كۇتىلەدى.