استانا قالاسىنىڭ «الماتى», «سارىارقا» جانە «ەسىل» اۋداندىق بولىمشەلەرىنىڭ ينسپەكتورلارى اۋدان اكىمدىكتەرىنىڭ وكىلدەرىمەن بىرلەسىپ شاعىن جانە ورتا بيزنەس نىساندارىنىڭ ءبىرىنشى قاباتتارىنا جاقىن جاتقان اۋماقتاردى, قۇرىلىس الاڭدارىن, پيك, پك جانە جەكە سەكتوردى قار مەن مۇزدى ۋاقىتىندا جينالۋىن تەكسەرۋ بويىنشا كۇندەلىكتى رەيد شارالارىن وكتىزەدى. بۇل تۋرالى استانا اكىمدىگىنىڭ ءباسپاسوز قىزمەتى حابارلادى.
ناتيجەسىندە, «سارىارقا» اۋدانى ءىىب جپق تابيعات قورعاۋ پوليتسياسىنىڭ قىزمەتكەرلەرى جەڭىس داڭعىلىندا ورنالاسقان ءدامحانانىڭ يەسىن عيمارات ماڭىنداعى اۋماقتى قاتقان مۇزدان دەر كەزىندە تازالاماعانى ءۇشىن قر اقبك 505 ب. 1 ب. بويىنشا اكىمشىلىك جاۋاپكەرشىلىككە تارتىلدى. كاسىپكەرگە 30 اەك مولشەرىندە (63 630 تەڭگە) ايىپپۇل سالىندى.
سونداي-اق, «الماتى» ءىىب جپق پوليتسيا قىزمەتكەرلەرى مومىش ۇلى داڭعىلىنداعى «تۇران» مەيرامحاناسىنا تيەسىلى اۋماقتان ۇيىلگەن قاردى ۋاقىتىندا تازالاپ, شىعارماعانى ءۇشىن جەكە كاسىپكەر جاۋاپكەرشىلىككە تارتىلدى. وعان 63 630 تەڭگە مولشەرىندە ايىپپۇل سالىندى.
تابيعات قورعاۋ پوليتسياسىنىڭ قىزمەتكەرلەرى تيەسىلى اۋماقتى قوقىستان, قار مەن مۇزدان تازالاۋ بويىنشا جۇمىستى ۋاقىتىلى جۇرگىزبەۋ جانە ساپاسىز ورىنداۋ, جۇمىستاردى ۇيىمداستىرماۋ فاكتىلەرى انىقتالسا, زاڭ بۇزۋشىلار قر اقبك 505 بابى «اباتتاندىرۋ ەرەجەلەرىن بۇزۋ» بويىنشا اكىمشىلىك جاۋاپكەرشىلىككە تارتىلاتىنىن ەسكەرتەدى.