قاراشا ايىندا اۆتوورتالىقتاردىڭ رەسمي ديلەرىنە 4187 اۆتوكولىك ساتىلدى, بۇل وسى جىلدىڭ قازانىمەن سالىستىرعاندا 9,6% -عا جوعارى, بىراق بۇل 2015 جىلدىڭ قاراشا ايىنا قاراعاندا 32,4%-عا تومەن. بۇل تۋرالى «قازاۆتوپروم» اق ءباسپاسوز قىزمەتى حابارلادى.
قاراشا ايىنىڭ كورسەتكىشى بويىنشا جەڭىل اۆتوكولىكتەردى دوللارمەن ساتۋ جىل باسىنان بەرى تۇڭعىش رەت بىلتىرعى كورسەتكىشتەن باسىم ءتۇستى.
«1 ايدىڭ ىشىندە قازاقستاندىقتار جاڭا كولىكتەر ساتىپ الۋ ءۇشىن 97,4 ملن دوللار جۇمساعان, بۇل 2015 جىلدىڭ قاراشا ايىنداعى سايكەس مانىنەن 17% جوعارى», — دەپ ايتىلادى كازاۆتوپروم حابارلاماسىندا.
جالپى العاندا, 2016 جىلدىڭ قاڭتار-قاراشا ايلارىندا رەسمي ديلەرىنە 38 779 جەڭىل جانە جەڭىل كوممەرتسيالىق اۆتوكولىك ساتىلدى, ول وتكەن جىلدىڭ وسى كەزەڭىنە قاراعاندا 56%-عا تومەن ساتىلدى. 2015 جىلى 88 396 بىرلىك ساتىلعان. 2016 جىلدىڭ 11 ايى بويىنشا نارىق كولەمى 758 ملن دوللار قۇرادى.
ساتىپ الۋشىلاردىڭ 24%-ى قازاقستاندىق اۆتوكولىكتەردى تاڭداعان, 76%-ى يمپورتتىق اۆتوكولىكتەردى ساتىپ العان. «قازاۆتوپرومنىڭ» اقپاراتىنشا, رەسمي ديلەرلەر ۇلەسىنە رەسپۋبليكا تەرريتورياسىندا جاڭا تىركەلگەن كولىكتەردىڭ 95%-ى تيەسىلى.
ەڭ كوپ ساتىلعاندارى — Toyota (7592 بىرلىك), لادا (7300 بىرلىك) جانە Renault (3448 بىرلىك) اۆتوكولىكتەرى بولدى.
اۆتوكولىكتەر ەڭ كوپ ساتىلعان ايماقتار — الماتى (11 827), استانا (6803) جانە اتىراۋ (2831) قالالارى.