2016 جىلى 324 ەلوردالىق وقۋشى حالىقارالىق وليمپيادالاردا جانە عىلىمي جوبالاردىڭ بايقاۋلارىندا 267 مەدالمەن ماراپاتتالدى (2015 جىلى – 399 قاتىسۋشى, جۇلدەلى ورىن سانى – 238).
قالالىق ءبىلىم باسقارماسىنىڭ مالىمەتتەرىنە سايكەس, 40 وقۋشى حالىقارالىق وليمپيادالاردا 30 جۇلدەلى ورىنعا يە بولدى, 284 وقۋشى عىلىمي جوبالاردىڭ بايقاۋلارىنا قاتىستى (237 جۇلدەلى ورىن).
سونداي-اق, استانالىق وقۋشىلار رەسپۋبليكالىق وليمپيادادا جانە عىلىمي جوبالاردىڭ بايقاۋىندا وسىمەن ونىنشى جىل قاتارىنان جالپىكوماندالىق ءبىرىنشى ورىن الىپ, «ۇزدىك كوماندا» اتانۋدا.
ءبىلىم باسقارماسىنىڭ مالىمەتتەرىنە سايكەس, استانا وقۋشىلارىنىڭ ءبىلىم ساپاسى 2014-2015 وقۋ جىلىنداعى 59,6%-دان 2015-2016 وقۋ جىلىنداعى 62,2%-عا دەيىن ارتتى.
ۇلتتىق بىرىڭعاي تەستىلەۋدىڭ ناتيجەلەرى 86,6 بالدان 89,2 بالعا دەيىن كوتەرىلدى, «التىن بەلگىگە» ۇمىتكەر 133 مەكتەپ تۇلەگى ءوز بىلىمدەرىن دالەلدەدى (2015 جىلى – 112).