قور بيرجاسىنداعى كۇندىزگى ساۋدا-ساتتىقتىڭ ناتيجەسى بويىنشا ءبىر دوللاردىڭ قۇنى 331,25 تەڭگەنى قۇرادى. ال تاڭعى جانە كۇندىزگى سەسسيالاردىڭ قورىتىندىسى بويىنشا 330,58 تەڭگە بولدى.
اپتا باسىنان بەرى سالىستىرمالى تۇردە تۇراقتى ساقتالعان مۇناي باعاسى اقش-تاعى مۇناي قورىنىڭ كوبەيگەنى تۋرالى اقپاراتتىڭ جاريالانعانىنان كەيىن ازداپ تومەندەپ, استانا ۋاقىتىمەن ساعات 12:17-دە برەنت باعاسى 1,11 پايىز ارزانداپ, 55,10 دوللارعا ءتۇستى.
سونىمەن قاتار 2017 جىلدىڭ 1 قاڭتارىنان باستاپ مۇناي ءوندىرىسىن ازايتۋ كەلىسىمىنىڭ كۇشىنە ەنگەنىنە دەيىن جەلتوقسان ىشىندە وپەك ەلدەرى قاراشاداعىمەن سالىستىرعاندا ءوندىرىس كولەمىن كوتەرىپ جىبەرگەن.
امەريكانلىق مۇناي ينستيتۋتىنىڭ مالىمەتىنشە, اقش-تاعى مۇناي قورى اپتا ىشىندە 490,1 ملن باررەلگە دەيىن جەتكەن.
سونىمەن قاتار قازىر نارىق اقش فەدەرالدى قورىنىڭ شەشىمىن كۇتىپ وتىر. 13-14 جەلتولقساندا ءوتىپ جاتقان فەدەرالدى قور وتىرىسىندا دوللاردىڭ بازالىق ستاۆكاسى كوتەرىلەتىن بولسا, ساراپشىلار دوللاردىڭ كۇشەيەتىنىن العا تارتادى. ولاي بولعان جاعدايدا, قارا التىننىڭ قۇنى تاعى قۇلدىراۋى مۇمكىن.