25 جىلدا قوستاناي وبلىسىندا ايماقتىق ىشكى جالپى ءونىمنىڭ كولەمى 363 ەسە وسكەن, ال جان باسىنا شاققانداعى كورسەتكىش 504 ەسە ارتقان. نەگىزگى قارجىعا قۇيىلعان ينۆەستيتسيانىڭ كولەمى بۇگىنگە دەيىن 1,6 تريلليون تەڭگە بولدى.
وسى جىلدار ىشىندە اۋىل شارۋاشىلىعى باسىم ايماق اگرارلىق يندۋستريالىق وڭىرگە اينالدى. ەلىمىزدەگى استىق پەن ۇننىڭ تورتتەن ءبىرىن قوستاناي وبلىسى بەرىپ كەلەدى. اۋىل شارۋاشىلىعى ءونىمىن نەگىزدەپ وڭدەۋدى قوسقاندا وڭدەۋ ونەركاسىبى 443 ميلليارد تەڭگەنىڭ ءونىمىن وندىرگەن. بۇل كورسەتكىش 1991 جىلى 10 ميلليون تەڭگە بولعان ەكەن.
ءنازيرا جارىمبەتوۆا, «ەگەمەن قازاقستان».
قوستاناي