1991 جىلدان بەرى قاراي تەك مەملەكەتتىك بيۋدجەت ەسەبىنەن وڭىردە جالپى اۋماعى 6,1 ملن. شارشى مەتر بولاتىن 55 مىڭ پاتەر سالىندى, دەپ حابارلادى وبلىس اكىمدىگى.
سوڭعى 25 جىل ىشىندە ونەركاسىپ كولەمى- 1600 ەسە, تارتىلعان ينۆەستيتسيا – 2400 ەسە, جان باسىنا شاققانداعى ءجوو – 40 ەسە, ءجوو- 1350 ەسەگە ارتقان. 1991 جىلدان بەرى قاراي تەك مەملەكەتتىك بيۋدجەت ەسەبىنەن وڭىردە جالپى اۋماعى 6,1 ملن. شارشى مەتر بولاتىن 55 مىڭ پاتەر, 113 مەكتەپ, 487 مەكتەپكە دەيىنگى ۇيىم, 700 سپورت عيماراتتارى, 122 دەنساۋلىق ساقتاۋ نىساندارى, 1000 شاقىرىمنان استام اۆتوكولىك جولدارى سالىنىپ, بارلىق اۋدان ورتالىقتارى گازداندىرىلدى.
تۋ كورسەتكىشىنىڭ 67,7%, حالىق سانىنىڭ 15%, ءومىر ءسۇرۋ ۇزاقتىعى 72 جاسقا دەيىن ءوسۋى – تاۋەلسىزدىك جىلدارى ىشىندە حالىق جاعدايىنىڭ جاقسارعاندىعىنىڭ دالەلى.
25 جىل ىشىندە اياعىمىزعا نىق تۇرىپ, ومىرلىك تاجىريبە جيناقتادىق. مۇنىڭ بارلىعى ەل پرەزيدەنتىنىڭ كورەگەندىگىنىڭ, وعان دەگەن حالىقتىڭ ۇلكەن سەنىمى مەن قولداۋىنىڭ ارقاسىندا مۇمكىن بولعاندىعىن بارلىعىمىز جاقسى بىلەمىز.
اكىمدىك حابارلاعانداي, اقتوبە وبلىسىندا قازاقستان تاۋەلسىزدىگىنىڭ 25 جىلدىعىن اۋقىمدى مەرەكەلەۋ 2016 جىلدىڭ قاڭتار ايىندا باستالعان بولاتىن. كۇن سايىن وڭىردە ايتۋلى مەرەكەگە ارنالعان ونداعان شارا وتكىزىلەدى. ولاردىڭ ارقايسىسى "بىرلىك پەن جاسامپازدىقتىڭ 25 جىلى" قازاقستان رەسپۋبليكاسى تاۋەلسىزدىگىنىڭ 25 جىلدىعىن مەرەكەلەۋ تۇجىرىمداماسىنا ساي, الەۋمەتتىك- ەكونوميكالىق دامۋدىڭ بارلىق سالاسىن قامتىدى.