مەملەكەت باسشىسىنىڭ تاپسىرماسىن ورىنداۋ ماقساتىندا اۋىل شارۋاشىلىعى مينيسترلىگى اگرووندىرىستىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىن ازىرلەۋدە.
ورتالىق كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا اشم اوك مەملەكەتتىك ينسپەكتسيا كوميتەتى توراعاسىنىڭ مىندەتىن اتقارۋشى المابەك مارس جانۋارارلار اۋرۋىنىڭ الدىن الۋ جانە زياندى اعزالارمەن كۇرەس بويىنشا جۇمىستار جۇرگىزىلىپ جاتقانىن ءمالىم ەتتى.
«رەسپۋبليكا اۋماعىندا دۇرىس ۆەتەرينارلىق جانە فيتوسانيتارلىق ورتانى قامتاماسىز ەتۋ ءۇشىن مينيسترلىك زياندى اعزالارمەن كۇرەس جانە جانۋارلاردىڭ اسا قاۋىپتى اۋرۋلارىنىڭ الدىن الۋ جۇمىستارىن جۇرگىزىپ جاتىر. ەۋرازيالىق ەكونوميكالىق وداقتىڭ سىرتقى شەكارالارىنا شىعارىلاتىن جانە رەسپۋبليكا اۋماعىنا اكەلىنەتىن يمپورتتىق ونىمدەردىڭ فيتوسانيتارلىق جانە ۆەتەرينارلىق تالاپتارعا سايكەستىگىنە تۇراقتى باقىلاۋ جۇرگىزىلىپ وتىر», – دەپ اتاپ ءوتتى ا.مارس.
ايدار ورىسباەۆ, «ەگەمەن قازاقستان».