قازاقستان ەكونوميكاسىنا جەرگىلىكتى بيزنەستەن گورى, شەتەلدىك ينۆەستورلار كوبىرەك سەنەدى. ۇستىمىزدەگى جىلى ەلىمىزگە كەلگەن شەتەلدىك تىكەلەي ينۆەستيتسيا اعىنى ارتقان, دەپ حابارلايدى abctv.kz.
قاڭتار-شىلدە ارالىعىندا قازاقستان ەكونوميكاسىنا قۇيىلعان ينۆەستيتسيا وتكەن جىلمەن سالىستىرعاندا 23%-عا كوپ. جالپى العاندا قازاقستانعا 9,3 ملرد دوللار ينۆەستيتسيالانعان.
قازاقستانعا شەتەلدىك ينۆەستيتسيانىڭ قايتا ورالۋى قازاقستاندىق ينۆەستورلار ءوز قاراجاتتارىن سىرتقا اكەتىپ جاتقان تۇستا ورىن الىپ وتىر. ۇستىمىزدەگى جىلدىڭ 6 ايىندا قازاقستاننان تىكەلەي ينۆەستيتسيالاردىڭ جالپى جىلىستاۋ كولەمى 3 ملرد دوللارعا جۋىقتادى. بۇل 2015 جىلدىڭ سايكەس كەزەڭىمەن سالىستىرعاندا 2 ەسە كوپ.
قازاقستاندىق ينۆەستورلارعا قىسىم ەكونوميكاداعى جاعدايعا تەرىس اسەر ەتتى. 2015 جىلدىڭ ءتورتىنشى توقسانىنىڭ وزىندە ەلدەن باقانداي 5,2 ملرد دوللار ينۆەستيتسيا كەتىپ قالعان. ينۆەستيتسيا ۇستىمىزدەگى جىلى دا كەتە باستادى, دەگەنمەن سايابىرسۋ بار.
شەتەلدىك ينۆەستورلار قازاقستان ەكونوميكاسىنا قارجى قۇيۋدى وتكەن جىلى كۇرت تيا قويدى. وسىلايشا ولار تەڭگە باعامى قۇبىلىپ, قازاقستانداعى تولەم بالانسى ناشارلاپ, ەلدە ءومىر ءسۇرۋ دەڭگەيى, كاسىپورىنداردىڭ ىسكەرلىك بەلسەندىلىگى تومەندەپ تۇرعان شاقتا ءالىپتىڭ ارتىن باققان.
جالپى 2015 جىلى تۇتاستاي العاندا بارلىعى 15 ملرد دوللار قۇيىلعان. ول 2014 جىلمەن سالىستىرعاندا 38%-عا از. دەگەنمەن, بيىل ەكونوميكا دەۆالۆاتسيالىق تالىقسۋلاردان ايىعىپ, ءوسىم كورسەتە باستادى, جانە ينۆەستيتسيا اعىنى ارتىپ وتىر.