رەسپۋبليكا اۋماعىندا ۆەتەرينارلىق جانە فيتوسانيتارلىق ورتانى قامتاماسىز ەتۋ ءۇشىن مينيسترلىكتە اسا قاۋىپتى زياندى ورگانيزمدەرمەن جانە جانۋارلار اۋرۋلارىمەن كۇرەس, سونداي-اق وسى اۋرۋلارعا شالدىعۋدان جانە كارانتيندىك وبەكتىلەردەن, جانۋارلاردىڭ اسا قاۋىپتى اۋرۋلارىنان الدىن الۋ جۇمىستارى جۇرگىزىلىپ جاتىر, دەپ حابارلايدى اۋىل شارۋاشىلىعى مينيسترلىگى.
بۇگىنگى كۇنى ۆەتەريناريا سالاسىنداعى نەگىزگى فۋنكتسيالاردى جەرگىلىكتى اتقارۋشى ورگانداردىڭ ۆەتەريناريا قىزمەتى ىسكە اسىرۋدا. مينيسترلىك تەك قانا زاڭنامالىق, باقىلاۋ جانە ۇيلەستىرۋ فۋنكتسيالارىن ورىندايدى.
2016 جىلى اسا قاۋىپتى زياندى اعزالارعا قارسى 1 790,3 مىڭ گا. القاپتا حيميالىق وڭدەۋ, استىق داقىلدارىنىڭ اۋرۋلارىنا قارسى 2 410,3 مىڭ گا. القاپتا وڭدەۋ جۇمىستارى جۇرگىزىلدى.
«شەگىرتكە زيانكەستەرىنە قارسى 1 655,0 مىڭ گا. وڭدەۋ جۇمىستارى, كارانتيندىك وبەكتىلەرىنە قارسى 29,85 مىڭ گا. جەرگە رەسپۋبليكالىق بيۋدجەت ەسەبىنەن وڭدەۋ جۇمىستارى جۇرگىزىلدى», – دەدى المابەك مارس.
ەۋرازيالىق ەكونوميكالىق كەڭەستىڭ سىرتقى شەكارالارىنا شىعارىلاتىن جانە رەسپۋبليكا اۋماعىنا اكەلىنەتىن يمپورتتىق ونىمدەردىڭ فيتوسانيتارلىق جانە ۆەتەرينارلىق تالاپتارعا سايكەستىگىنە تۇراقتى باقىلاۋ جۇرگىزىلىپ وتىر.
جاڭا مەملەكەتتىك باعدارلاما شەڭبەرىندە فيتوسانيتارلىق قاۋىپسىزدىكتى قامتاماسىز ەتۋدىڭ نەگىزگى شارالارى: فيتوسانيتاريا سالاسىندا مەملەكەتتىك كورسەتىلەتىن قىزمەتتەردىڭ نورماتيۆتىك نەگىزدەرىن; زيانكەستەرمەن كۇرەس ادىستەرىن; فيتوسانيتارلىق قورعاۋ سۇراقتارىندا اۋىل شارۋاشىلىعى قۇرىلىمدارىن قورعاۋ شارالارى, سونداي-اق جەر جاعدايى ءۇشىن ولاردىڭ جاۋاپكەرشىلىگىن ارتتىرۋدى; فيتوسانيتاريا جانە باسقا دا سالالاردى باقىلاۋ سۇراقتارى بويىنشا شەت مەملەكەتتەرمەن قارىم-قاتىناستى بەكىتۋدى; زەرتحانالاردىڭ ماتەريالدىق-تەحنيكالىق قامتاماسىز ەتىلۋىن, فيتوسانيتارلىق باقىلاۋ پوستتارىن حالىقارالىق تالاپتار دەڭگەيىنە دەيىن جەتكىزۋدى جەتىلدىرۋگە باعىتتالادى.
ۆەتەريناريا سالاسىندا زاڭنامالىق رەتتەۋ بولىمىندە جانۋارلاردى يدەنتيفيكاتسيا جاساۋ قۇرالدارىن ساتىپ الۋ فۋنكتسيالارىن اكىمشىلىكتەردىڭ قۇزىرەتىنە بەرۋ; جەرگىلىكتى اتقارۋشى ورگانداردىڭ ۆەتەرينارلىق ۇيىمدارىنا سايكەس تالاپتاردى بەكىتۋ; اكىمشىلىكتەردىڭ ۆەتەرينارلىق بولىمشەلەرى قىزمەتتەرىنىڭ تيىمدىلىگىن باعالاۋ جۇيەلەرىن ەنگىزۋ; اكىمشىلىكتەردىڭ ۆەتەرينارلىق بولىمشەلەرى الدىندا اۋىل شارۋاشىلىعى تاۋارلارىن وندىرۋشىلەردىڭ ەسەپتىلىگىن ەنگىزۋ جوسپارلانۋدا.
«جانۋارلاردىڭ دەنساۋلىعىن قورعاۋ تۋرالى دۇنيەجۇزىلىك ۇيىم (حەب) مەن ەەو قۇجاتتارىن ەسەپكە الا وتىرىپ رەسپۋبليكانىڭ ۆەتەرينارلىق زاڭناماسىن ارى قاراي دامىتۋ جۇرگىزىلەتىن بولادى», – دەدى ولجاس اۋساباەۆ.