تاراز قالاسىندا قازاقستان تاۋەلسىزدىگىنىڭ 25 جىلدىعىنا وراي بيىكتىگى 14 مەتر بولاتىن «تاۋەلسىز قازاقستان» مونۋمەنتى اشىلدى. سالتاناتتى جيىنعا وبلىس اكىمى كارىم كوكىرەكباەۆ, ينتەلليگەنتسيا وكىلدەرى مەن ساياسي پارتيالار, ەتنومادەني بىرلەستىكتەر مەن جاستار قاتىستى. شارا بارىسىندا ءوڭىر باسشىسى مونۋمەنتكە گۇل شوقتارىن قويىپ, بارلىعىن تاۋەلسىزدىك مەرەكەسىمەن قۇتتىقتادى.
«بۇل ۇرپاقتار ۇرپاققا بەرىلىپ وتىراتىن تاۋەلسىزدىكتىڭ سيمۆولى. ونىڭ جوعارى جاعىندا «قازاقستان-2050» ستراتەگياسىنىڭ بەلگىسى بار. ول حالىقتىڭ بىرلىگىن بىلدىرەدى. تاۋەلسىزدىك – بىزگە ورتاق قۇندىلىق. ەلباسىنىڭ باسشىلىعىمەن ءبىز الەۋمەتتىك-ەكونوميكالىق, ساياسي قيىنشىلىقتاردان وتتىك, دامىعان 50 ەلدىڭ قاتارىنا كىردىك», دەدى وبلىس اكىمى.