كەيكى باتىردىڭ باس سۇيەگىنەن قالپىنا كەلتىرىلگەن سۋرەتى ازىرلەندى. اتالمىش سۋرەتتەردى قوعام قايراتكەرى, ساياساتتانۋشى بەرىك ابدىعالي ۇلى فەيسبۋكتەگى پاراقشاسىندا جاريا ەتتى.
ايتايىق, وسى جىلدىڭ قازان ايىندا ماجارستاندا كەيكى باتىردىڭ باس سۇيەگىن قالپىنا كەلتىرۋ جۇمىستارى باستالعان بولاتىن. ۆەنگريانىڭ جاراتىلىستانۋ عىلىمدارى مۋزەيىنىڭ انتروپولوگيالىق بولىمىنە جەتەكشىلىك ەتەتىن اگنەش كۋشتار كەيكى باتىردىڭ باس سۇيەگىن قالپىنا كەلتىرۋ جۇمىستارىن ءوز باسشىلىعىنا العان ەدى.
بەرىك ابدىعالي ۇلىنىڭ ايتۋىنشا, انتروپولوگتەر باتىردىڭ بەت كەلبەتىن جاساپ بولعاسىن, شامامەن 1-2 اي كولەمىندە باس سۇيەك جەر قوينىنا بەرىلەدى. مەملەكەتتىك كوميسسيا كەيكى باتىردىڭ سۇيەگىن ونىڭ تۋعان جەرى قوستاناي وبلىسى امانگەلدى اۋدانىنىڭ تاستى اۋىلىندا باتىرعا ارناپ سالىنعان مازارعا جەرلەۋ تۋرالى شەشىم قابىلداعان بولاتىن. بۇدان بۇرىن حابارلانعانداي, 6 قازان كۇنى كەيكى باتىردىڭ باس سۇيەگى رەسەيدەن قازاقستانعا جەتكىزىلدى. ول 93 جىل بويى سانكت-پەتەربور قالاسىنداعى كۋنستكامەرادا ساقتالىپ كەلدى.