قازاقستان پرەزيدەنتى نۇرسۇلتان نازارباەۆ رەسەي فەدەراتسياسى مەملەكەتتىك دۋماسىنىڭ توراعاسى ۆياچەسلاۆ ۆولودينمەن كەزدەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ بارىسىندا ەكى ەلدىڭ پارلامەنتارالىق ىنتىماقتاستىعىن دامىتۋدىڭ نەگىزگى جولدارى, اتاپ ايتقاندا, مەملەكەتتەر باسشىلارى دەڭگەيىندە قابىلدانعان قۇقىقتىق شەشىمدەردى قامتاماسىز ەتۋ جوسپارلارى تالقىلاندى.
نۇرسۇلتان نازارباەۆ ۆ.ءۆولوديندى رەسەي مەملەكەتتىك دۋماسىنىڭ توراعاسى قىزمەتىنە سايلانۋىمەن قۇتتىقتادى.
تاراپتار ەكى ەل اراسىنداعى قارىم-قاتىناستى نىعايتۋدىڭ, سونداي-اق قازاقستان مەن رەسەي ستراتەگيالىق سەرىكتەستىگىنە نەگىزدەلگەن ينتەگراتسيالىق ۇدەرىستەردى ودان ءارى دامىتۋدىڭ ماڭىزدىلىعىن اتاپ ءوتتى.
سوڭىندا ۆ.ۆولودين مەملەكەت باسشىسىن جانە رەسپۋبليكا حالقىن ەل تاۋەلسىزدىگىنىڭ 25 جىلدىعىمەن قۇتتىقتادى.
– قازاقستاننىڭ قالاي دامىپ كەلە جاتقانىن كورىپ وتىرمىز. ەلدەرىڭىز تاۋەلسىزدىك العاننان بەرى زور تابىستارعا جەتتى. اتاپ ايتقاندا, حالىقتىڭ ءال-اۋقاتى جاقسارىپ, ەكونوميكانىڭ ءتۇرلى سالاسىندا جەتىستىكتەرگە قول جەتكىزىلدى, استانانىڭ دامۋ قارقىنى ارتتى, – دەدى مەملەكەتتىك دۋمانىڭ توراعاسى.
ۆ.ءۆولوديننىڭ قازاقستانعا كەلۋى ونىڭ مەملەكەتتىك دۋما توراعاسى رەتىندەگى شەتەلگە العاشقى ساپارى بولىپ تابىلادى.