11 جەلتوقسان كۇنى قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى بەرىك يماشەۆ قىرعىز رەسپۋبليكاسىندا وتكەن رەفەرەندۋمدى بايقاۋعا قاتىستى, دەپ حابارلادى قازاقستان رەسپۋبليكاسى ورتالىق سايلاۋ كوميسسياسىنىڭ ءباسپاسوز قىزمەتى.
ب.يماشەۆ قىرعىز رەسپۋبليكاسىنىڭ سايلاۋ جانە رەفەرەندۋمداردى ءوتكىزۋ جونىندەگى ورتالىق سايلاۋ كوميسسياسىنىڭ ءتورايىمى ن.شايلدابەكو-
ۆانىڭ شاقىرۋى بويىنشا «قىرعىز رەسپۋبليكاسىنىڭ كونستيتۋتسياسىنا وزگەرىستەر ەنگىزۋ تۋرالى» قىرعىز رەسپۋبليكاسى زاڭىنىڭ جوباسى جونىندە رەفەرەندۋمدى بايقاۋ اياسىندا بىرقاتار سايلاۋ ۋچاسكەلەرىن ارالاپ, داۋىس بەرۋ ءجانە داۋىستاردى ساناۋ راسىمدەرىن ۇيىمداستىرۋدىڭ ەرەكشەلىكتەرىمەن, ۋچاسكەلىك سايلاۋ كوميسسيالارىنىڭ جۇمىسىمەن, ولاردىڭ سايلاۋ پروتسەسىنىڭ اشىقتىعىن جانە ونىڭ ۇلتتىق سايلاۋ زاڭناماسىنا سايكەس ءوتۋىن قامتاماسىز ەتۋ ءۇشىن جاسالعان قاجەتتى شارالارمەن تانىستى.
بايقاۋ قورىتىندىلارى بويىنشا قازاقستان رەسپۋبليكاسى ورتسايلاۋكوم باسشىسى رەفەرەندۋمنىڭ جوعارى دەڭگەيدە ۇيىمداستىرىلعانىن, ۋچاسكەلىك سايلاۋ كوميسسيالارىنىڭ كاسىپقويلىعىن, سايلاۋ پروتسەسىنىڭ ترانسپارەنتتىگى مەن اشىقتىعىن اتاپ ءوتتى. سايلاۋعا الەمنىڭ 35 ەلىنىڭ 46 حالىقارالىق ۇيىمىنان بارلىعى 181 حالىقارالىق بايقاۋشى اككرەديتتەلگەن ەكەن.
قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى ب.يماشەۆ قىرعىز رەسپۋبليكاسى سايلاۋ جانە رەفەرەندۋمداردى وتكىزۋ جونىندەگى ورتالىق كوميسسياسىنىڭ ءتورايىمى ن.شايلدابەكوۆامەن كەزدەستى. كەزدەسۋ شەڭبەرىندە قىرعىز رەسپۋبليكاسىندا رەفەرەندۋمدى ءوتكىزۋدىڭ تاجىريبەلىك اسپەكتىلەرى, ناۋقاننىڭ ەرەكشەلىكتەرى مەن سايلاۋ بارىسىنىڭ ايقىندىعى جانە ونىڭ ۇلتتىق سايلاۋ زاڭناماسىنىڭ نورمالارىنا ءسايكەستىگىن قامتاماسىز ەتۋ ءۇشىن قاجەتتى شارالاردىڭ قولدانىلۋى تالقىلاندى.
ن.شايلدابەكوۆا ب.يماشەۆقا رەفەرەندۋمدى بايقاۋعا قاتىسقانى ءۇشىن العىسىن ءبىلدىرىپ, ەلدە رەفەرەندۋممەن قاتار جەرگىلىكتى ءوزىن ءوزى باسقارۋ ورگاندارىنىڭ دەپۋتاتتارىن سايلاۋ وتۋىنە بايلانىستى قىرعىزستاننىڭ سايلاۋ ورگاندارىنا ەكى ەسە سالماق تۇسكەنىن اتاپ ءوتتى.
سونداي-اق, بيىلعى جىلى رەفەرەندۋمدا داۋىس بەرۋدىڭ ەرەكشەلىگى – سايلاۋشىلاردىڭ بيومەتريكالىق دەرەكتەرىنىڭ نەگىزىندە داۋىس بەرۋى بولدى. بۇل قادام سايلاۋدىڭ ترانسپارەنتتىگىن قامتاماسىز ەتۋگە ىقپال ەتەدى.
ب.يماشەۆ ن.شايلدابەكوۆاعا ۇسىنعان اقپاراتى ءۇشىن ريزاشىلىعىن ءبىلدىردى, سونداي-اق, قىرعىز رەسپۋبليكاسى مەن قازاقستان رەسپۋبليكاسى سايلاۋ ورگاندارىنىڭ اراسىندا كوپتەگەن باعىتتار بويىنشا ءتيىمدى قىزمەت جاساۋعا ءمۇمكىندىك بەرەتىن جىلى سەرىكتەستىك قارىم-قاتىناس ورنىققانىن اتاپ ءوتتى. 2012 جىلى ەكى ەل ۆەدومستۆولارىنىڭ اراسىندا ءوزارا تۇسىنىستىك تۋرالى مەموراندۋمعا قول قويىلعان بولاتىن.