بۇگىن, دۇيسەنبى كۇنى Beeline قازاقستان «الەۋمەتتىك پليۋس» تاريفتىك جوسپارىنىڭ اشىلعانى تۋرالى حابارلادى. بۇل ءونىم دەنساۋلىعىنا بايلانىستى مۇمكىندىگى شەكتەۋلى قازاقستاندىقتار ءۇشىن ارنايى جاسالدى.
ماسەلەن, دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا, مۇمكىندىگى شەكتەۋلى ادامداردىڭ جالپى سانى 1 ميللاردتان اسادى. ولاردىڭ 80 پايىزى دامۋشى ەلدەردە تۇرادى. ءبىزدىڭ ەلىمىزدە 600 مىڭنان استام مۇگەدەك جاندار بار. مۇنداي جاعدايدا مۇمكىندىگى شەكتەۋلى جاندار ءتيىستى تەحنولوگياعا قول جەتكىزسە, قوعام ومىرىنە تولىق ارالاسىپ, ەكونوميكاعا ايتارلىقتاي ۇلەس قوسا الادى.
سونىمەن «الەۋمەتتىك پليۋس» تاريفتىك جوسپارىنىڭ شارتتارى بويىنشا, 990 تەڭگە ابونەنتتىك تولەمگە كليەنت جەلى ىشىندە شەكسىز سويلەسىپ, Beeline نومىرلەرىنە 200 SMS جولداي الادى جانە باسقا وپەراتورلارعا قوڭىراۋ سوعۋعا ارنالعان 60 مينۋت پەن 7Gb ءموبيلدى ينتەرنەت الادى. تولەم بەلگىلى ءبىر كۇندە ەمەس, 30 كۇندە ءبىر رەت ۇستالادى. ەگەر قولدانۋشى قانداي دا ءبىر سەبەپپەن ابونەنتتىك تولەمدى ۋاقىتىندا تولەي الماسا, قوڭىراۋلار مەن SMS-ءتىڭ قۇنى 7 تەڭگەنى قۇرايدى.
«زاماناۋي تەحنولوگيالار مۇمكىندىگى شەكتەۋلى جاندارعا بۇرىن-سوڭدى بولماعان جاعداي تۋعىزىپ وتىر. بۇل جەردەگى شەشۋشى ماسەلە – ينتەرنەتتىڭ قول جەتىمدىلىگى. ەندى الەۋمەتپەن كەڭىنەن ارالاسىپ, جەكە تۇلعا رەتىندە دامۋعا كومەكتەسەتىن ارنايى ءموبيلدى قوسىمشانى قولدانۋ مۇمكىندىگى پايدا بولدى. تاعى ءبىر ماڭىزدى ماسەلە مۇمكىندىگى شەكتەۋلى ادامداردىڭ كوپشىلىگىنىڭ تابىسى وتە تومەن. سول سەبەپتى ءبىز, مۇمكىندىگى شەكتەۋلى جانداردىڭ تولىققاندى ءومىر سۇرۋىنە تاريف شەڭبەرىندە جاعداي جاساي وتىرىپ, تومەن باعاعا ءموبيلدى ينتەرنەتتىڭ ۇلكەن كولەمىن ۇسىنامىز», – دەيدى Beeline قازاقستاننىڭ باس اتقارۋشى ديرەكتورى ولەكساندر كوماروۆ.
«الەۋمەتتىك پليۋس» ارنايى تاريفتىك جوسپارىن قوسۋ ءۇشىن Beeline قازاقستاننىڭ ساتۋ جانە قىزمەت كورسەتۋ كەڭسەلەرىنە بارىپ, جەكە كۋالىك پەن مۇگەدەكتىگىن راستايتىن كۋالىكتى كورسەتۋ كەرەك جانە ءوتىنىش جازۋ قاجەت. جوعارىدا ايتىلعانداي, تاريفكە مۇمكىندىگى شەكتەۋلى بارلىق قازاقستاندىق قاتىسا الادى.
ايناش ەسالي, «ەگەمەن قازاقستان».
الماتى