كلاسسيكالىق بلانك تۇرىندەگى كىرۋ قاعازدارىن ەندى Mega Alma-Ata جəنە Mega Park ويىن-ساۋىق ورتالىقتارىندا ورنالاسقان دۇڭگىرشەكتەردەن الۋعا بولادى, دەپ حابارلايدى 24.kz.
جۇمىس جانە دەمالىس كۇندەرىنە ارنايى مەرزىمدەر دە بەلگىلەنگەن. قۇنى 4-8 مىڭ تەڭگە ارالىعىندا. ەلىمىز بويىنشا «قازپوشتانىڭ» 600-دەن استام بولىمشەسىندە دە بيلەتتەر بار. سونداي-اق EXPO-2017 كورمەسىنىڭ رەسمي سايتىنان دا ەلەكتروندى تۇردە الۋعا بولادى.
ۇلتتىق كومپانيا جيىنى 5 ملن بيلەت ساتۋدى جوسپارلاعان. ونىڭ 85%-ىن قازاقستاندىقتار السا, قالعانى شەتەلدىك قوناقتارعا بۇيىرادى. ايتا كەتكەن ءجون, بەلگىلى ءبىر ساناتتاعى ازاماتتار ءۇشىن جەڭىلدىكتەر قاراستىرىلعان.
«6 جاسقا دەيىنگى بالالار كورمەنى تەگىن تاماشالايتىن بولادى. سونداي-اق, ۇوس ارداگەرلەرى مەن بارلىق توپتاعى مۇگەدەكتەر جəنە كوپبالالى انالار, جەتىم بالالار دا كورمەگە تەگىن كىرۋ مۇمكىندىگىنە يە. ال وقۋشىلار مەن ستۋدەنتتەر, زەينەتكەرلەرگە 50 پايىزدىق جەڭىلدىك ۇسىنىلادى», - دەدى EXPO-2017 ۇق كوممەرتسياليزاتسيالاۋ دەپارتامەنتى ديرەكتورىنىڭ ورىنباسارى رادا يسلاموۆا.