ەلورداداعى بەيبىتشىلىك جانە كەلىسىم سارايىندا «قازاقستان ارۋى -2016» ءداستۇرلى سۇلۋلىق بايقاۋىنىڭ جەڭىمپازدارى انىقتالدى.
سۇلۋلىق بايقاۋى بيىل جيىرماسىنشى رەت ۇيىمداستىرىلىپ وتىر. بەيبىتشىلىك جانە كەلىسىم سارايىنىڭ ساحناسىنا ەلىمىزدىڭ ءار ءوڭىرىنىڭ سۇلۋلارى اراسىنان ىرىكتەلىپ, 25 ۇمىتكەر شىقتى. ولار ءداستۇرلى ۇلتتىق كيىمدەر مەن ءساندى كەشكى كويلەكتەردە كورىنىپ, سايىس سوڭىندا قازىلار القاسى تاراپىنان قويىلعان ءتۇرلى سۇراقتارعا جاۋاپ بەردى.
سايىس بارىسىندا الدىمەن 25 ۇمىتكەردەن 15-ءى تاڭداپ الىنسا, اقتىق باسەكەدە 15 ارۋدىڭ سەگىزى باقتارىن سىنادى. ال «قازاقستان ارۋى-2016» جەڭىمپازىن نەگىزىنەن وتانداستارىمىزدىڭ ءوزى تاڭدادى. وتانداستارىمىز سمس حابارلامالارى ارقىلى وزدەرىنە ۇناعان ارۋلارعا داۋىس بەردى.
سونىمەن, وسكەمەندىك اناستاسيا ۋسولتسەۆا ءۇشىنشى ۆيتسە-ميسس, كوكشەتاۋلىق جانار نايمانباەۆا ەكىنشى ۆيتسە-ميسس, ال ءبىرىنشى ۆيتسە-ميسس استانالىق ەلناز نۇرسەيىتوۆاعا بۇيىردى. ەلىمىزدىڭ ەڭ سۇل ارۋى, ياعني, «ميسس قازاقستان 2016» اتاعىن قىزىلوردا قالاسى اتىنان قاتىسقان گۇلبانۋ ءازىمحانوۆا جەڭىپ الدى. ول بەس ميلليون تەڭگە كولەمىندەگى سىياقىعا يە بولدى, ءارى ەلىمىز اتىنان «الەم ارۋى 2017» حالىقارالىق سۇلۋلىق بايقاۋىنا جولداما الدى.
ايگۇل سەيىلوۆا
«ەگەمەن قازاقستان»
فوتو: ەرلان وماروۆ