وپەك ۇيىمى مۇناي ءوندىرىسى كولەمىن باقىلايتىن كوميتەت قۇردى, دەپ مالىمدەدى abctv.kz باسىلىمى ۆەناداعا وپەك ەلدەرى مەن وعان كىرمەيتىن مەملەكەتتەردىڭ جيىنىندا ءسوز سويلەگەن كاتاردىڭ ەنەرگەتيكا ءمينيسترى مۇحاممەد بين سالەح اس-ساداعا سىلتەمە جاساپ.
«وپەك ءوزىنىڭ 171-ءشى كەزدەسۋىندە ۇيىمعا مۇشە مەملەكەتتەردىڭ ءوندىرىسى كولەمىن باقىلاپ وتىراتىن كوميتەت قۇردى. قۇزىرەتتى ورگان ۇيىمعا كىرمەيتىن مەملەكەتتەردىڭ دە قانشالىقتى مۇناي وندىرەتىنىن تەكسەرىپ وتىرادى”, – دەپ مالىمدەدى مينيستر.
ەرتەرەكتە ۆەنەسۋەلانىڭ مۇناي ونەركاسىبى ءمينيسترى ەۋلوحيو دەل پينو وپەك-كە كىرمەيتىن مەملەكەتتەرمەن بىرگە مۇناي ءوندىرىسىن ازايتۋ تۋرالى ورتاق مامىلەگە قول جەتكىزگەننەن كەيىن وسىنداي كوميتەتتىڭ قۇرىلاتىنىن مالىمدەگەن ەدى.
ۆەنەسۋەلا ءمينيسترىنىڭ ايتۋىنشا, كوميتەت قۇرامىندا بەس ەلدىڭ مينيسترلىگى بولادى. ونىڭ ۇشەۋى وپەك ەلدەرىنەن بولسا, ەكەۋى ۇيىمعا كىرمەيتىن مەملەكەتتەردەن الىنادى.
ايتا كەتەيىك, بۇگىن وپەك پەن وعان كىرمەيتىن مەملەكەتتەر بىرىگىپ تاۋلىگىنە 1,8 ملن باررەل قارا التىن ءوندىرىسىن ازايتۋ تۋرالى ورتاق كەلىسىمگە قول جەتكىزدى. سونىڭ 1.2 ملن باررەلى وپەك ەلدەرىنە تيەسىلى بولسا, قالعان 600 مىڭ باررەلى ۇيىمعا كىرمەيتىن مەملەكەتتەر موينىنا جۇكتەلدى.