شيەلى اۋدانىنان 11 مىڭ قۇسقا ارنالعان قۇس فەرماسى ىسكە قوسىلاتىن بولادى, دەپ حابارلادى قازاقپارات.
قۇرىلىس جۇمىستارى اياقتالعان فەرمادا بۇگىندە قاجەتتى قۇرال-جابدىقتارى ورناتىلۋدا. قۇس فەرماسى ىسكە قوسىلعاننان كەيىن جىلىنا 5 ملن دانا جۇمىرتقا, 11 توننا قۇس ەتى ءوندىرىلىپ, 6 ادام تۇراقتى جۇمىسپەن قامتىلۋى جوسپارلانىپ وتىر. بۇل تۋرالى اۋدان اكىمى قايراتبەك اۋباكىر ۇلى وڭىردەگى بۇقارالىق اقپارات قۇرالدارى وكىلدەرى مەن وتكىزىلگەن ءباسپاسوز ءماسليحاتىندا مالىمدەدى.
سونداي-اق, اۋدان دا كاسىپكەرلىك باعىتتا مۇنان وزگە دە جاڭالىقتار بارشىلىق. سولاردىڭ ءبىرى, «اسىلحان» شارۋا قوجالىعىنىڭ 200 باس ءىرى قارا مالىنا ارنالعان ءسۇتتى تاۋارلى فەرماسى. بۇگىندە قۇرىلىس جۇمىستارى تولىق اياقتالعان ءسۇت فەرماسىندا سىناق جۇمىستارى جۇرگىزىلۋدە. فەرما تولىق ىسكە قوسىلعاننان كەيىن, تاۋلىگىنە 3 تونناعا دەيىن ءسۇت الىنىپ ءسۇت, ايران, قايماق, كىلەگەي, سارى ماي ونىمدەرى شىعارىلاتىن بولادى.